మూడురోజుల్లో 2.25 కోట్లు కలెక్ట్ చేసిన మెంటల్ మదిలో!

గత శుక్రవారం విడుదలైన 8 సినిమాల్లో జనం ఆదరించిన ఏకైక చిత్రం “మెంటల్ మదిలో”. శ్రీవిష్ణు కథానాయకుడిగా నటించిన ఈ చిత్రం ద్వారా వివేక్ ఆత్రేయ దర్శకుడిగా పరిచయమయ్యాడు. రాజ్ కందుకూరి నిర్మించిన ఈ చిత్రం మీడియం బడ్జెట్ లో రూపొంది మొదటివారంలోనే 2.25 కోట్ల రూపాయలు వసూలు చేసింది. ఒక చిన్న సినిమాగా విడుదలైన “మెంటల్ మదిలో” ఈరేంజ్ లో కలెక్ట్ చేయడం అనేది చిన్నసైజు సంచలనం. క్రేజ్ ఉన్న స్టార్ హీరోహీరోయిన్స్ ఒక్కరూ లేకపోవడం, రిలీజ్ కూడా చాలా తక్కువ థియేటర్లలో అవ్వడమే కాక విడుదలకు ముందు భారీ స్థాయిలో పబ్లిసిటీ కూడా లేకపోవడంతో సినిమా విజయంపై అందరూ డౌట్ పడ్డారు.

కట్ చేస్తే.. మొదట మల్టీప్లెక్స్ ఆడియన్స్ ను రానురాను బి,సి సెంటర్ ప్రేక్షకులను కూడా అలరిస్తూ ఫీల్ గుడ్ ఎంటర్ టైనర్ గా అందరి ఆదరణనూ చూరగొని మొదటివారంలో రికార్డ్ స్థాయి కలెక్షన్స్ సొంతం చేసుకోవడంతో.. రెండోవారంలో ఆ కలెక్షన్స్ రెట్టింపయ్యే అవకాశాలు పుష్కలంగా ఉన్నాయి. ఇకపోతే.. ఈ సినిమా తర్వాత శ్రీవిష్ణు క్రేజ్ కూడా బాగా పరిగింది. మనోడికి వరుస ఆఫర్లు వెల్లువెత్తుతున్నాయి. అలాగే.. ఈ సినిమాలో తన కళ్ళతో ఆకట్టుకొన్న భావాలను పలికించిన నివేతా పేతురాజ్ కి తెలుగులో విశేషమైన క్రేజ్ ఏర్పడింది.