అనుష్క, ఇలియానా వంటి హీరోయిన్ల కంటే ముందే ఇండస్ట్రీకి తమన్నా. ఆమె మొదటి చిత్రం ‘శ్రీ’ 2014 లో విడుదలయ్యింది. అయితే ఆమెకు బ్రేక్ ఇచ్చిన సినిమా మాత్రం ‘హ్యాపీ డేస్’. ఆ చిత్రంతో తమన్నా కి తెలుగు .. తమిళ .. హిందీ భాషల్లో మంచి క్రేజ్ వచ్చింది. తన గ్లామర్ తో తమన్నా కుర్రకారుని హీటెక్కించింది. ఒక వైపున మోడ్రన్ గర్ల్ గా .. మరో వైపున పల్లెటూరి అమ్మాయిగా కనిపిస్తూ తమిళంలో ‘దేవి’ సినిమా చేసింది. తమిళ్ తో పాటు తెలుగు .. హిందీ భాషల్లో చేసిన ఈ హారర్ థ్రిల్లర్ తమన్నాకి మంచి పేరు తెచ్చిపెట్టింది.
ఇప్పుడు మరో హారర్ థ్రిల్లర్ మూవీకి తమన్నా ఓకే చెప్పినట్టు తాజా సమాచారం. ఆ హారర్ థ్రిల్లర్ మూవీ ఏంటో తెలుసా..? అదేనండి రాజు గారి గది సీక్వెల్ అయిన ‘రాజుగారి గది 3’. ప్రముఖ యాంకర్ ఓంకార్ డైరెక్టర్ గా మారి గతంలో తెరకెక్కించిన ‘రాజుగారి గది’ చిత్రం మంచి విజయాన్ని అందుకుంది. ఆ తరువాత నాగార్జున, సమంత లతో చేసిన ‘రాజుగారి గది 2’ చిత్రం కూడా మంచి టాక్ ని సంపాదించుకున్నప్పటికీ కమర్షియల్ గా వర్కౌట్ కాలేదు. దీంతో కొంత గ్యాప్ తర్వాత ‘రాజుగారి గది 3’ చేయడానికి రంగంలోకి దిగాడు ఓంకార్. ఈ కథను ఆయన తమన్నాకి వినిపించడం .. ఆమె ఓకే చెప్పేయడం జరిగిపోయాయట. త్వరలో ఈ చిత్రానికి సంబందించిన పూర్తి వివరాలు త్వరలో వెల్లడిస్తారని సమాచారం.
