మిస్ శెట్టి మిష్టర్ పోలిశెట్టి ట్రైలర్ ఎలా ఉందంటే?

కొంత గ్యాప్ తీసుకుని అనుష్క శెట్టి చేసిన సినిమా ‘మిస్ శెట్టి మిస్టర్ పోలిశెట్టి’. ఈ చిత్రంలో హీరోగా యూత్ లో మంచి క్రేజ్ సంపాదించుకున్న నవీన్ పోలిశెట్టి నటించాడు. ‘యువీ క్రియేష‌న్స్’ బ్యాన‌ర్‌పై వంశీ, ప్రమోద్ లు ఈ చిత్రాన్ని నిర్మించారు. ‘రా రా కృష్ణయ్య’ ఫేమ్ మ‌హేష్ బాబు.పి దర్శకుడు. రథన్ ఈ చిత్రానికి సంగీత దర్శకుడు. ‘లేడి లక్కు లేని లక్కు’ అనే పాట చార్ట్ బస్టర్ అయ్యింది. టీజర్ కూడా రిలీజ్ అయ్యి పాజిటివ్ రెస్పాన్స్ ను సొంతం చేసుకోవడం జరిగింది. ఇందులో అనుష్క చెఫ్ గా నటిస్తుండగా.. నవీన్ పోలిశెట్టి స్టాండప్ కమెడియన్ గా నటిస్తున్నట్టు టీజర్ స్పష్టం చేసింది.

ఇక ఈ చిత్రాన్ని వ‌ర‌ల్డ్ వైడ్‌గా సెప్టెంబర్ 7న తెలుగుతో పాటు త‌మిళ‌, క‌న్న‌డ‌, మ‌ల‌యాళ భాష‌ల్లో గ్రాండ్ గా రిలీజ్ చేయబోతున్నట్టు మేకర్స్ ప్రకటించిన సంగతి తెలిసిందే. ఇక ప్రమోషన్స్ లో భాగంగా తాజాగా ట్రైలర్ ను విడుదల చేసింది చిత్ర బృందం. ఇక ఈ ట్రైలర్ విషయానికి వస్తే… దీని నిడివి 2 నిమిషాల 29 సెకండ్ల పాటు ఉంది.

ఇందులో కూడా కామిడీ పుష్కలంగా ఉంది. అనుష్క- నవీన్ పోలిశెట్టి ల జంట మ్యాచ్ కాలేదు కాని జాతి రత్నాలు లో మాదిరి ఇందులో కూడా హీరో, హీరోయిన్ అలాగే అనిపించారు అని చెప్పాలి. కథలో ఒక బోల్డు అంశాన్ని కూడా టచ్ చేశారు అని చెప్పాలి. ట్రైలర్ అయితే బాగుంది. మీరు కూడా ఒకసారి చూడండి..