నగరి నియోజకవర్గంలో వరుసగా రెండోసారి ఎమ్మెల్యేగా గెలిచిన రోజా ఇవాళ ఇచ్చిన స్పీచ్ చూసిన జనాలకు మెంటల్ ఎక్కిపోతోంది. “నన్ను ఐరన్ లెగ్ అన్న వెధవలకు ఇదే చెప్తున్నా.. నేను గోల్డెన్ లెగ్, నేను ఉండగానే జగన్ సీయం అయ్యాడు గుర్తుపెట్టుకోండి” అంటూ ఎవ్వరూ ఊహించని విధంగా రెస్పాండ్ అయ్యింది రోజా. అలాగే.. “బై బై బాబు” అని చాలా వెటకారంగా మాట్లాడింది రోజా. విజయానందంలో రోజా ఇలా మాట్లాడింది అని అర్ధమవుతున్నప్పటికీ.. ఆమె లిమిట్ కాస్త క్రాస్ చేసిందనే అందరూ అనుకొంటున్నారు.
ఇకపోతే.. రోజా గెలుపు మీద కామెడీ చేసేవాళ్ళు కూడా లేకపోలేదు. ఈ అయిదేళ్ళ కాలంలో జబర్దస్త్ లో కూర్చుని నవ్వడం మినహా ఏం చేసింది? అని ప్రశ్నించడం కూడా మొదలెట్టారు నెటిజన్లు. ఏదేమైనా 151 సీట్ల భారీ మెజారటీతో గెలుపొందిన వై.ఎస్.ఆర్.సి.పి పార్టీ నుంచి ఎమ్మెల్యేగా గెలిచిన రోజా.. త్వరలోనే మినిస్ట్రీ సంపాదించుకొన్నా ఆశ్చర్యపోనక్కర్లేదనీ కొందరు భావిస్తున్నారు. ఒకవేళ అదే గనుక జరిగితే.. ఆమె స్పీడ్ ని కానీ.. నోటి దురుసును కానీ కట్టడి చేయడం అనితరసాధ్యం.
Home