ప్రముఖ టాలీవుడ్ నటుడు మోహన్ బాబు ముక్కుసూటిగా వ్యవహరిస్తుంటారు. ఆయనకు ఏదైనా విషయం నచ్చకపోతే మొహం మీదే చెప్పేసే టైపు. దీని కారణంగా ఆయన చాలా వివాదాలను ఎదుర్కోవాల్సి వచ్చింది. అయినప్పటికీ తన వ్యక్తిత్వాన్ని మాత్రం మార్చుకోలేదు మోహన్ బాబు. తాజాగా ఆయన కమెడియన్ అలీపై చేసిన వ్యాఖ్యలు హాట్ టాపిక్ గా మారాయి. మోహన్ బాబు, అలీ కలిసి చాలా సినిమాలు చేశారు. మోహన్ బాబు హీరో నటించిన సినిమాల్లో దాదాపు అలీ కూడా కనిపించేవారు.
అలాంటిది మోహన్ బాబు తను నటించే, నిర్మించే సినిమాల నుంచి అలీని తొలగించారు. తాజాగా ఈ విషయాన్ని మోహన్ బాబు స్వయంగా అలీతో అన్నారు. విలన్ లేకుండా సినిమా తీయలేరని.. అలానే కమెడియన్ కూడా లేకుండా సినిమా తీయలేమని.. అందుకే కమెడియన్స్ ను ఎక్కువగా తన సినిమాల్లో ప్రోత్సహిస్తుంటానని చెప్పారు మోహన్ బాబు. తన ప్రతీ సినిమాలో అలీను పెట్టుకున్నానని.. చెప్పిన మోహన్ బాబు ఆ తరువాత అలీకి పొగరు ఎక్కువ అవ్వడంతో వద్దనుకున్నానని షాకింగ్ కామెంట్స్ చేశారు.
పర్మినెంట్ బ్యానర్ లో సినిమాలు తీస్తున్నప్పుడు లక్ష, రెండు లక్షల దగ్గర బేరాలు ఆడకూడదని.. అలా బేరం ఆడినందుకే అలీను కట్ చేయాల్సి వచ్చిందని అప్పటివిషయాలను గుర్తుచేసుకున్నారు మోహన్ బాబు. ప్రస్తుతం మోహన్ బాబు ‘సన్నాఫ్ ఇండియా’ అనే సినిమాలో నటిస్తున్నారు. డైమండ్ రత్నం బాబు డైరెక్ట్ చేస్తున్న ఈ సినిమా త్వరలోనే ప్రేక్షకుల ముందుకు రానుంది.
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
