నందమూరి బాల కృష్ణ గురించి కొన్ని ఆసక్తికర విషయాలు బయటకు వస్తున్నాయి. లేపాక్షి ఉత్సవాల సంధర్భంగా ఆ ఉత్సవాలకు హాజరయిన అతిరధ మహారధులు అందరూ బాలయ్యపై పొగడ్తల వర్షం కురిపించారు. అయితే అదే క్రమంలో ఈ వేడుకలకు హాజరయిన మోహన్ బాబు సైతం బాలయ్య గురించి కొన్ని ఆసక్తికర సంఘటనలను తెలిపాడు.. మోహన్ బాబు బాలయ్య గురించి మాట్లాడుతూ…తాజాగా బాలయ్య నటించిన ఒక సినిమా బ్యానర్స్ ను, అలాగే ఫ్లెక్సీలను బాలయ్య వీరాభిమానుల కొందరు తన శ్రీవిద్యా నికేతన్ ఎదురుగా కట్టారని, అయితే ఆ ఫ్లెక్సీలు బ్యానర్లు మరునాడే ఆ స్కూల్ ఎదురుగా ఉండే ప్రదేశం నుండి మాయం కావడంతో ఆ బ్యానర్ల తొలగింపు వెనుక తన హస్తం ఉంది అంటూ బాలయ్య వీరాభిమానులు బాధపడటమే కాకుండా ఈ విషయాలను బాలయ్య దృష్టికి తీసుకెళ్ళగా… విషయం తెలుసుకున్న ఆయన నేరుగా బాలయ్యను కలసి విషయం చెప్పాలి అని అనుకుని ఈలోపులో బాలయ్య తనకు ఏమైనా ఫోన్ చేసి అసలు విషయం తెలుసు కుంటాడేమొ అని చాలారోజులు ఎదురు చూసాడట మోహన్ బాబు.
బాలయ్య వైపు నుండి ఎటువంటి స్పందన లేకపోవడంతో చేసేది ఏమీ లేక…స్వయంగా తానే బాలయ్యను కలిసి మ్యాటర్ చెప్పాలి అని అనుకున్నాడు. ఇక అనుకోకుండా బాలయ్య శ్రీవిధ్యానికేతన్ లో తనను కలవడానికి వచ్చినప్పుడు ఉండబట్టలేక…మోహన్ బాబు ఈ ఫ్లెక్సీల ప్రస్తావన తీసుకు వచ్చి ఆ సంఘటనతో తనకు ఏమి సంబంధం లేదు అని చెప్పినప్పుడు బాలయ్య నవ్వుతూ తాను ఎదుటి మనుషులు చేసే ప్రచారాలను బట్టి తన అభిప్రాయాలను మార్చుకోను అని అలా అనుకుని ఉంటే తానెందుకు శ్రీవిధ్యానికేతన్ కు వస్తాను అంటూ జోక్ చేసాడట బాలయ్య.
అది విన్న మోహన్ బాబు ఆనందంతో బాలయ్యను కౌగిలించుకుని నీలాంటి బంగారం అయిన మనసు, సంస్కారం ఉన్న వ్యక్తులు చాలా అరుదుగా ఉంటారు అని ఆనందంలో మునిగి పోయాడంట. అది బాలయ్య అంటే….
