మోహన్ బాబు ఇడ్లీలు అమ్మారు..!

మోహన్ బాబు ఏంటి.. ఇడ్లీలు అమ్మటం ఏమిటి? అన్న సందేహం అక్కర్లేదు. నిజంగానే ఆయన ఇడ్లీలు అమ్మారు. అది కూడా రోడ్డు పక్కన. ఆయన కుమార్తె మంచు లక్ష్మీ ప్రసన్న నిర్వహిస్తున్న మేముసైతం కార్యక్రమం కోసం ఆయన ఈ పని చేయటానికి ఓకే చెప్పారు. పలు సేవా కార్యక్రమాల కోసం ఫండ్ ను వసూలు చేసే పనిలో భాగంగా పలువురు సెలబ్రిటీలు పలు రకాల పనులు చేయటం.. దాని ద్వారా కొంత మొత్తాన్ని సంపాదించి సేవా కార్యక్రమాలకు వినియోగించటం తెలిసిందే. ఈ కార్యక్రమాన్ని త్వరలో ప్రైవేటు ఛానల్ లో ప్రసారం చేయటం ద్వారా పెద్ద ఎత్తున సేవా కార్యక్రమాల్ని నిర్వహించేందుకు సాయంగా నిలవనుంది.