ఇంతకీ.. మోహన్ బాబు సూర్య కి విలనా.. వెల్ విషరా..?

తాను నటించే పాత్రలో వంద శాతం ఇన్వాల్వ్ అయ్యే నటుడు సూర్య.పాత్ర కొరకు తన శరీర ఆకృతిని కూడా మార్చుకునే అతికొద్ది మంది నటులలో సూర్య ఒకరు.ఎప్పటి కప్పుడు వైవిధ్యమైన పాత్రలు…విభిన్నమైన కథలు ఎంచుకుంటూ మూస సినిమాలకు దూరంగా ఉంటారు. జయాపజయాలను అటుంచితే సూర్య చిత్రం అంటే కొత్తదనం ఏదో ఉంటుందనే టాక్ జనాలలో ఉంది. ఇక లేటెస్ట్ గా ఆయన నటిస్తున్న చిత్రం సురారై పోట్రు. తెలుగులో ఆకాశం నీ హద్దురా అనే టైటిల్ తో విడుదల అవుతుంది. నిన్న ఈ చిత్ర టీజర్ విడుదల కాగా..సీరియస్ ఇంటెన్స్ లుక్ లో సూర్య ఇరగదీశాడు.అనుకున్న దాని కోసం మొండిగా ముందుకు వెళ్లే యాంగ్రీ యంగ్ మెన్ గా సూర్య కనిపించాడు.

ఈ చిత్రంలో కలెక్షన్ కింగ్ మోహన్ బాబు ఓ కీలక రోల్ చేస్తున్న సంగతి తెలిసిందే. విడుదలైన టీజర్ లో కూడా ”జేబులో ఆరు వేలు పెట్టుకొని ఏరో ప్లేన్ కంపెనీ పెడతానని ఒకడు వస్తే…ఎవడ్రా ఈ విపీగాడని లోకం వాడ్ని చూసి నవ్వింది..” అని మోహన్ బాబు చెప్పిన వాయిస్ ఓవర్ తో మొదలైంది. మరి ఈ చిత్రంలో మెహన్ బాబు పాత్రేమిటి అనేది ఆసక్తికరం. సూర్య చిత్రంలో మోహన్ బాబు నటిస్తున్నారని, వార్తలు వచ్చినప్పుడు ఆయన ఈ చిత్రంలో ప్రతినాయకుడి పాత్ర చేస్తున్నారని పుకార్లు వచ్చాయి.ఐతే అధికారికంగా దీనిపై ఎటువంటి సమాచారం లేదు. అలాగే సూర్య కు మద్దతుగా నిలిచే కీ రోల్ అనే మరో వాదన కూడా ఉంది. మోహన్ బాబు చేసేది నెగెటివ్ రోలా లేక ఇతర ప్రాధాన్యం ఉన్న రోలా అనేది తెలియాల్సివుంది. ఈ చిత్రంలో జాకీ ష్రాఫ్, పరేష్ రావల్ వంటి సీనియర్ నటులు కూడా చేస్తున్న తరుణంలో ప్రధాన విలన్ ఎవరనేది ఆసక్తిగా మారింది. ఒక వేళ మోహన్ బాబు ప్రతినాయకుడి పాత్ర చేస్తే..ఆయన చాలా ఏళ్ల తరువాత నెగెటివ్ రోల్ చేసినట్లు అవుతుంది. లేడీ డైరెక్టర్ సుధా కొంగర తెరకెక్కిస్తున్న ఈ చిత్రం ఎయిర్ డెక్కన్ ఫౌండర్ జి ఆర్ గోపీ నాధ్ జీవిత కథ ఆధారంగా రూపొందుతుంది.

అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!