మెగాస్టార్ చిరంజీవి వరుస ప్రాజెక్ట్ లతో బిజీగా మారిన సంగతి తెలిసిందే. ఆయన ఎక్కువగా రీమేక్ కథలను ఎన్నుకుంటున్నారు. మలయాళంలో బ్లాక్ బస్టర్ అయిన ‘లూసిఫర్’ సినిమాను తెలుగులో చేస్తున్నాడు చిరు. ఈ సినిమాకి తమిళ దర్శకుడు మోహన్ రాజాని రంగంలోకి దించారు. ఇంతకముందు సుజీత్, వి.వి.వినాయక్ ఈ ప్రాజెక్ట్ కోసం పని చేశారు కానీ వారిద్దరూ స్క్రిప్ట్ లో చేసిన మార్పులు చిరుని మెప్పించలేకపోయాయి. దీంతో ఇద్దరినీ పక్కన పెట్టేసి.. రీమేక్ లు తీయడంలో సిద్ధహస్తుడైన మోహన్ రాజాని డైరెక్టర్ గా ఎన్నుకున్నారు.
ఆయన చేసిన మార్పులు కూడా చిరుని మెప్పించాయి. దీంతో ప్రాజెక్ట్ అతడి చేతుల్లో పెట్టేశారు. ఒరిజినల్ వెర్షన్ తో పోలిస్తే కాస్త వినోదాత్మకంగా, కమర్షియల్ అంశాల కలయికతో సినిమా ఉండాలని చిరు కోరుకుంటున్నారు. ఆయన కోరినట్లుగానే మోహన్ రాజా స్క్రిప్ట్ సిద్ధం చేశారు. మెగాస్టార్ సినిమా అంటే కచ్చితంగా హీరోయిన్ ఉండాలి. ‘లూసిఫర్’ సినిమాలో మోహన్ లాల్ కు జోడీ ఎవరు ఉండరు. తెలుగులో ఆ పాత్రను అలానే చూపిస్తే సరిపోదని భావించి హీరోయిన్ పాత్రకు స్కోప్ ఇచ్చినట్లు తెలుస్తోంది.
చిరు సినిమాలో పాటలు, డాన్స్ స్టెప్పులు ఆడియన్స్ ఆశిస్తారు. అందుకే ఈ మేరకు ఓ కొత్త ఎపిసోడ్ ని జోడించినట్లు తెలుస్తోంది. హీరోయిన్ ఎపిసోడ్ తో పటు కొన్ని కామెడీ, యాక్షన్ సన్నివేశాలను రీమేక్ లో చేరుస్తున్నారట. ప్రస్తుతం సినిమాలో హీరోయిన్ కోసం వేట మొదలెట్టారు. ఈ క్రమంలో ఇలియానా పేరు వినిపిస్తుండడం విశేషం. సీనియర్ హీరోలకు హీరోయిన్లు దొరకడం బాగా కష్టమవుతోంది. ఈ క్రమంలో ఇలియానా వైపు చూస్తోంది చిత్రబృందం. ప్రస్తుతం ఆమె చేతుల్లో ఎలాంటి ప్రాజెక్ట్ లేదు కాబట్టి డేట్స్ కూడా దొరుకుతాయని భావిస్తున్నారు.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
