తెలుగులో డబ్బింగ్ చెప్పిన మోహన్ లాల్

మలయాళం సూపర్ స్టార్ మోహన్ లాల్ తెలుగు నేర్చుకున్నారు. 22 ఏళ్ల క్రితం తెలుగు సినిమా గాండీవంలోని ఒక పాటలో మెరిసారు. మళ్లీ ఇప్పుడు తెలుగు సినిమాలో నటిస్తున్నారు. యంగ్ టైగర్ ఎన్టీఆర్ జనతా గ్యారేజ్ చిత్రంలో మెకానిక్ గా కీలక పాత్ర పోషిస్తున్నారు. ఈ సినిమా పూర్తికాక ముందే అయన ప్రధాన పాత్రగా తెరకెక్కిన “మనమంతా” మూవీ త్వరలో విడుదల కానుంది.

ప్రముఖ దర్శకుడు యేలేటి చంద్ర శేఖర్ దర్శకత్వంలో రూపొందుతున్నఈ సినిమాలో గౌతమి కీలక పాత్రలో కనిపించనుంది. ఈ చిత్రానికి సంబంధించిన పోస్టర్ ఈ మధ్య రిలీజ్ అయి… విశేషంగా ఆకట్టుకుంది. ఈ చిత్రం పోస్ట్ ప్రొడక్షన్ దశలో ఉంది. మోహన్ లాల్ తన పాత్రకు తెలుగులో డబ్బింగ్ చెప్పారు. ఈ సంగతిని ఆయనే తన ట్విట్టర్ అకౌంట్ లో వెల్లడించారు. “మనమంతాకు వాయిస్ ఇచ్చాను. తెలుగు నేర్చుకుని డబ్బింగ్ చెప్పడం చాలా సంతోషంగా ఉంది” అని ఫోటోలతో సహా పోస్ట్ చేసారు. ఒక నటుడు, నటి కాని తన పాత్రకు స్వయంగా డబ్బింగ్ చెప్పుకుంటేనే పరి పూర్ణ మైన ఆర్టిస్ట్ గా నిరూపించుకున్నట్లు.. ఆ సంగతి తెలిసిన మోహన్ లాల్ డబ్బింగ్ చెప్పి తాను పరిపూర్ణ మైన నటుడని మరోమారు స్పష్టం చేసారు.

‘ఈగ’, ‘అందాల రాక్షసి’,’లెజండ్’, ‘ఊహలు గుసగుసలాడే’, ‘దిక్కులు చూడకు రామయ్యా’ వంటి సూపర్ హిట్ చిత్రాలను అందించిన వారాహి చలనచిత్రం అధినేత సాయి కొర్రపాటి ప్రొడక్షన్ సాయిశివాని సమర్పణలో వారాహి చలన చిత్రం బ్యానర్ పై రజనీ కొర్రపాటి నిర్మిస్తున్న ఈ చిత్రం త్వరలో కన్నడ, తెలుగు భాషల్లో విడుదల కానుంది.