మలయాళ సూపర్ స్టార్ మోహన్ లాల్. 30 సంవత్సరాల సుదీర్ఘ సినీ ప్రయాణం ఆయనది. 300కి పైచిలుకు సినిమాలు చేసిన మోహన్ లాల్ ఇప్పటికీ బాక్సాఫీస్ వద్ద తన హవా సాగిస్తూనే ఉన్నారు. ప్రేక్షకలోకంతో కంప్లీట్ యాక్టర్ గా పేరున్న మోహన్ లాల్ తనయుడు ఇప్పుడు తెరపైకి ఎంట్రీ ఇవ్వనున్నారు.
కుమారుడు ప్రణవ్ సిల్వర్ స్క్రీన్ ఎంట్రీ ఖాయమైనట్టు మోహన్ లాల్ ట్విట్టర్ ద్వారా వెల్లడించారు. ‘దృశ్యం’ లాంటి సినిమాని తెరకెక్కించి ఖ్యాతి పొందిన జీతూ జోషేప్ ఈ సినిమాకి దర్శకత్వం వహించనున్నారు. దృశ్యం సినిమా తమిళ వెర్షన్ ‘పాపనాశం’ సినిమాకి జీతూ వద్ద సహాయా దర్శకుడిగా చేశాడు ప్రణవ్. నటుడిగా తొలి సినిమాకి రెడీ అవుతోన్న ప్రణవ్ బాలనటుడిగా పలు సినిమాల్లో నటించి కేరళ ప్రభుత్వ పురస్కారాన్ని సొంటం చేసుకున్నాడు. ఇటీవల ‘ఓజం’ అనే మరో థ్రిల్లర్ తో హిట్ కొట్టిన జీతూ ప్రణవ్ కోసం కూడా ఓ థ్రిల్లర్ కథనే సిద్ధం చేశాడట.
Home
