మోనాల్ గజ్జర్ ఆ షోకి జడ్జిగా వస్తోందట..!

బిగ్ బాస్ షోలో తెలుగు రాకపోయినా సరే, 14 వారాల పాటు రియాలిటీ షోలో తన టాలెంట్ ని చూపించింది మోనాల్ గజ్జర్. ఈ అమ్మడికి బిగ్ బాస్ షో తర్వాత ఆఫర్లు తెగ వస్తున్నాయట. ఇప్పటికే తెలుగులో కొన్ని సినిమాలకి సైన్ చేసినట్లుగా సమాచారం తెలుస్తోంది. ఇక బిగ్ బాస్ రన్ చేసిన ఛానల్ లోనే ఇప్పుడు జడ్జిగా అవతారం ఎత్తబోతోందట ఈ ముద్దుగుమ్మ. ఇంతకీ ఏంటా ఆ షో ని ఆరాతీస్తే ఆసక్తికరమైన విషయాలు తెలుస్తున్నాయి.

ఆట డ్యాన్స్ షో తో సూపర్ సక్సెస్ అందుకున్న ఓంకార్ ఇప్పుడు ఎంతో ప్రెస్టేజియస్ గా చేస్తున్న షో డ్యాన్స్ ప్లస్. బిగ్ బాస్ రన్ అవుతున్న టైమ్ లోనే వీరలెవల్లో ప్రోమోలతో ఊదరగొట్టేశారు. ఇక ఈషోని కూడా ఒక రియాలిటీగా చేసే ప్లాన్ చేస్తున్నట్లుగా తెలుస్తోంది. ఇందులో ఒక జడ్జిగా మోనాల్ గజ్జర్ చేయబోతున్నట్లుగా న్యూస్ వినిపిస్తోంది. బిగ్ బాస్ హౌస్ లో మోనాల్ ఎంత ఎమోషనల్ అయ్యిందో అందరికీ తెలిసిందే. నాగార్జున అయితే నర్మదా అంటూ ఒక బిరుదు కూడా ఇచ్చేశాడు.

ఇప్పుడు డ్యాన్స్ ప్లస్ షో ప్రోమో చూస్తే కామన్ మాన్స్ ఎమోషన్స్ తో కూడిన రియాలిటీ డ్యాన్స్ షోగా కనిపిస్తోంది. సోలో, పెయిర్, గ్రూప్ డ్యాన్స్ లుగా వీటిని విభజించారు. మరి ఇలాంటి షోలో మోనాల్ గజ్జర్ ఎలా జడ్జిగా న్యాయం చేస్తుందో చూడాలి.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!