Rana Daggubati: బాబాయ్‌తో సిరీస్‌పై రానా మాటలు విన్నారా

వెంకటేశ్‌, రానా కలిపి ఓ వెబ్‌ సిరీస్‌ చేస్తున్న విషయం తెలిసిందే. ఇటీవల దీనికి సంబంధించిన పోస్టర్‌ కూడా రిలీజ్‌ చేశారు. దీనికి ‘రానా నాయుడు’ అనే పేరు కూడా పెట్టారు. అందులో వెంకటేశ్‌ కాస్త ఏజ్‌ బార్‌లా తెల్లటి జుట్టుతో కనిపిస్తున్నాడు. రానా పక్కనే నిలబడి కూల్‌గా ఉన్నాడు. అయితే సిరీస్‌ ఇంత కూల్‌గా, క్లాస్‌గా ఉండదు అంటున్నాడు రానా. అవును సిరీస్‌లో బూతులు గట్టిగానే ఉంటాయని చెబుతున్నాడు. అవును అందుకే ఈ సిరీస్‌ బాలీవుడ్‌కి మాత్రమే పరిమితం చేశామని కూడా చెబుతున్నాడు.

ఆంగ్ల వెబ్‌ సిరీస్‌ ‘రే డొనావాన్‌’ ఆధారంగా ‘రానా నాయుడు’ వెబ్‌ సిరీస్‌ రూపొందుతున్న విషయం తెలిసిందే. ఇందులో వెంకటేశ్‌, రానా కీలక పాత్రల్లో నటిస్తున్నారు. దీనికి కరణ్‌ అన్షుమాన్‌, సుపర్ణ్‌ వర్మ దర్శకత్వం వహిస్తున్నారు. ఈ సిరీస్‌కు సంబంధించి కీలక పార్టు చిత్రీకరణ అంతా ముగిసిందట. ఈ క్రమంలో సిరీస్‌కు సంబంధించి ఓ ఆసక్తికర విషయం బయటికొచ్చింది. అది కూడా బాలకృష్ణ నోటి నుండి. ‘ఆహా’లో ప్రసారమవుతున్న ‘అన్‌స్టాపబుల్‌’ షోకి రానా విచ్చేసిన విషయం తెలిసిందే. అందులో బాలయ్య ఈ విషయం అడిగాడు.

‘ఏంటి మీ బాబాయ్‌, నువ్వు చేస్తున్న సిరీస్‌లో మొత్తం బూతులట కదా’ అని. దానికి రానా ‘అవును ఉంటాయి. అందుకే తెలుగులో కాకుండా హిందీలో చేస్తున్నాం’ అంటూ క్లారిటీ ఇచ్చాడు రానా. దానికి బాలయ్య మాట్లాడుతూ… ‘టాలీవుడ్‌కి మీ బాబాయ్‌ వివేకానందుడు… అలాంటి వెంకీతో బూతులు మాట్లాడిస్తావా’ అంటూ నవ్వేశాడు బాలయ్య. మరి ఆ సిరీస్‌ ఏంటో, ఆ బూతుల సంగతేంటో చూడాలి. రానా, వెంకటేశ్ కలసి నటిస్తే చూడాలని టాలీవుడ్‌ ప్రేక్షకులు ఎదురుచూస్తున్నారు.

అలాంటి సమయంలో ఈ బూతుల గోలేంటో మరి. నెట్‌ఫ్లిక్స్‌ వేదికగా ఈ వెబ్‌సిరీస్‌ను విడుదల చేస్తారు. అయితే ఎప్పుడొస్తుంది లాంటి వివరాలేవీ తెలియవు. ప్రస్తుతం వెంకటేశ్‌ అమెరికాలో ఉన్నారట. ఆయన తిరిగి హైదరాబాద్‌ వచ్చాక సిరీస్‌ గురించి ఏమన్నా క్లారిటీ వస్తుందేమో చూడాలి.

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!