అమ్మ పుట్టినరోజున అద్భుతవిజయం : మహేష్

కొరటాల శివ దర్శకత్వంలో సూపర్ స్టార్ మహేష్ బాబు నటించిన భరత్ అనే నేను సినిమా నేడు రిలీజ్ అయి సూపర్ హిట్ టాక్ సొంతం చేసుకుంది. నిన్న రాత్రి అమెరికా తో పాటు 45 దేశాల్లో ప్రీమియర్ షోలు వేశారు. అక్కడ మొదలైన పాజిటివ్ టాక్ .. తెలుగు రాష్ట్రాల్లో వచ్చేసరికి అద్భుతవిజయమనే ట్యాగ్ తగిలించుకుంది. మహేష్ గత చిత్రాలు బ్రహ్మోత్సవం, స్పైడర్ తీవ్రంగా నిరాశపరిచాయి. అందుకే ఈసారి ఎలాగైనా విజయం సాధించాలని కష్టపడ్డారు. కష్టానికి తగ్గట్టు అమ్మ ఆశీస్సులు కూడా ఉండాలని.. తన తల్లి ఇందిరా దేవి పుట్టిన రోజైన ఈరోజు రిలీజ్ చేశారు.

మహేష్ నమ్మకం వమ్ముకాలేదు. బ్లాక్ బస్టర్ హిట్ కైవశం చేసుకున్నారు.‘‘ఈ ప్రత్యేకమైన రోజున నా మనసుకు నచ్చిన సినిమాను రిలీజ్ చేయడం చాలా ఆనందంగా ఉంది. హ్యాపీ బర్త్ డే అమ్మ’’ అంటూ మహేష్ తన తల్లి పాత ఫోటోని పోస్ట్ చేశారు. మహేష్ అభిమానులు కూడా పుట్టినరోజు శుభాకాంక్షలు తెలుపుతున్నారు. ఈ రోజు మహేష్ ఫ్యాన్స్  రెండు వేడుకలు జరుపుకుంటున్నారు.  ప్రీమియర్ షోలు, భారీ ఓపెనింగ్స్ విషయాల్లో భరత్ అనే నేను ఇప్పటికే అనేక రికార్డులను క్రాస్ చేసినట్లు ట్రేడ్ వర్గాల వారు తెలిపారు. పూర్తి లెక్కలు కొన్ని గంటల్లో తెలియనుంది.