మూవీ ఆర్టిస్ట్ అసోసియేషన్ (మా) ఎన్నికలపై గత కొంత కాలంగా గందరగోళం నెలకొన్న విషయం తెలిసిందే. ఎన్నికలు ఎప్పుడు నిర్వహిస్తారు అనే విషయంలో అనేక రకాల రూమర్స్ అయితే వస్తున్నాయి. ఇక పలుమార్లు ఈ ఎన్నికల నిర్వహణపై నరేష్ ప్యానెల్ టీమ్ చర్చలు జరిపింది. సినీ పెద్దలతో కూడా రీసెంట్ గా మీటింగ్ అయితే నిర్వహించారు. అయితే ఎన్నికల నిర్వహణపై ఎవరికివారు ఇష్టానుసారంగా కామెంట్స్ చేస్తుండడంతో ఫైనల్ గా కమిటీ సభ్యులు ఒక తేదీని ప్రకటించారు.
‘మా’ బై లాస్ ప్రకారం 2021 – 2023 నూతన కార్యనిర్వహణ కమిటీ కోసం ఎలక్షన్స్ నిర్వహించేందుకు కమిటీ సభ్యులు ఒక తేదీని ప్రకటించారు. 2021 అక్టోబర్ 10 ఆదివారం నాడు కోవిడ్ నిబంధనలకు అనుగుణంగానే ఎన్నికలను నిర్వహించేందుకు సిద్ధమవుతున్నట్లు ప్రకటనను విడుదల చేశారు. ఇక ఈ నిర్ణయంతో టాలీవుడ్ ఇండస్ట్రీలో ఒక్కసారిగా మళ్ళీ ఎన్నికల హడావుడి మొదలైంది.
ఇదివరకే ఒకరికొకరు విమర్శలు చేసుకుంటూ వెళుతున్న సెలబ్రెటీలు ఎన్నికల తేదీ రావడంతో ప్రచారాలు మీటింగ్స్ లతో మరింత బిజీగా మారతారని చెప్పవచ్చు. ఇక ఇదివరకే ప్యానెల్ ప్రెసిడెంట్ గా పోటీలోకి రాబోతున్నట్లు ప్రకాష్ రాజ్ ప్రకటించిన విషయం తెలిసిందే. అలాగే మరొక వైపు నుంచి మంచు విష్ణు కూడా పోటీకి రానున్నాడు. మా బిల్డింగ్ కోసం కూడా ఆయన తీవ్ర స్థాయిలో ప్రయత్నాలు చేస్తున్నారు. మరి ఈ పోటీలో ఎవరు గెలుస్తారో చూడాలి.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
