విడుదలకు ముందే సినిమా లీక్ అయితే

టెక్నాలజీ వల్ల ఎన్ని లాభాలున్నాయో…అన్ని నష్టాలు సైతం ఉన్నాయి అని అందరూ చెబుతూ ఉంటారు. అయితే ఈ టెక్నాలజీ పుణ్యమా మన తెలుగు సినిమాల్లో ఎన్నో అద్భుతాలు చూస్తున్నాం, కానీ అదే టెక్నాలజీ వల్ల, సినిమా పైరసీ గా మారి కోట్లు పెట్టిన నిర్మాతల్ని రోడ్డున పడేస్తుంది. అయితే ఈ పైరసీ భూతం వల్ల ఎన్నో సినిమాలు ఇబ్బందులు పడిన సంఘటనలు ఎన్నో మన టాలీవుడ్ లో ఉన్నాయి. ఆ సినిమాల్లో కొన్నింటిని ఒక లుక్ వేద్దాం రండి…

శంకర్ దాదా ఎంబీబీయెస్ (2004)మెగాస్టార్ చిరంజీవి నటించిన శంకర్ దాదా ఎంబీబీయెస్ చిత్రం ఎన్నో అంచనాలతో తెరకెక్కింది. అదే క్రమంలో ఈ సినిమా విడుదలకు ముందే ఆన్‌లైన్ లో పైరసీ కావడంతో ఒక్కసారిగా ఉలిక్కి పడ్డారు చిత్ర యూనిట్, అయితే ఆ తరువాత కూడా ఈ సినిమా బాక్స్ ఆఫీస్ వద్ద హిట్ గా నిలిచింది.

మగధీర (2009)టాలీవుడ్ జక్కన్న రాజమౌళి చెర్రీని ఇండస్ట్రీలో హీరోగా నిలబెట్టే క్రమంలో తెరకెక్కించిన ఈ చిత్రం విషువల్ ఎఫెక్ట్స్ కి మంచి పేరు తెచ్చుకుంది. అయితే ఈ చిత్రం సైతం విడుదలకు ముందే లీక్ అయ్యిన ఇబ్బందులు ఉన్నాయి. ఇక ఈ సినిమాలోని కొన్ని సీన్స్, కొన్ని స్టీల్స్ సినిమాకు ముందే బయటకు రావడంతో ఈ సినిమా నిర్మాతలు కంగారు పడ్డారు. అయితే ఈ సినిమా బాక్స్ ఆఫీస్ వద్ద భారీ హిట్ గా నిలవడమే కాకుండా అప్పటివరకూ ఉన్న రికార్డ్స్ అన్నీ బ్రేక్ చేసేసింది ఈ రికార్డ్.

అత్తారింటికి దారేది (2013)పవర్ స్టార్ పవన్ కల్యాణ్ హీరోగా త్రివిక్రమ్ తెరకెక్కించిన చిత్రం అత్తారింటికి దారేది. ఈ సినిమా విడుదలకు ముందే లీక్ అయ్యి టెన్షన్ పెట్టినప్పటికీ సినిమా విడుదల తరువాత భారీ హిట్ గా నిలిచింది.

బాహుబలి (2015)టాలీవుడ్ టాప్ డైరెక్టర్ రాజమౌళి తెరకెక్కించిన బాహుబలి చిత్రం సైతం విడుదలకు ముందే దాదాపుగా 12నిమిషాల సినిమా లీక్ అయిపోయింది. అయితే ఎంత లీక్ అయినప్పటికీ ఈ సినిమా ప్రపంచ ప్రఖ్యాతి గాంచి టాప్ హిట్ గా నిలిచింది.

బాహుబలి 2 (2016)ప్రపంచవ్యాప్తంగా సినీ అభిమానులు ఎదురుచూస్తున్న బాహుబలి 2 చిత్రానికి లీకుల బెడద తప్పలేదు. పోస్ట్ ప్రొడక్షన్ దశలో ఉన్న ఈ మూవీలోని కీలక సీన్ గ్రాఫిక్ హంగులు పూర్తి చేసుకోక ముందే నెట్ లో ప్రత్యక్షమైంది. షాట్ నంబర్ 6 నుంచి షాట్ నంబర్ 60 వరకు వాట్స్ ఆప్ లో విపరీతంగా చక్కర్లు కొట్టింది. ఒక రోజులోనే లక్షల మంది ఈ వీడియోని వీక్షించారు. దీనిని లీక్ చేసిన వ్యక్తిని వెంటనే సైబర్ పోలీసులు పట్టుకుని, ఆ వీడియో లింకులన్నీ డిలీట్ చేశారు. వచ్చే ఏడాది ఏప్రిల్ 28 న రిలీజ్ కానున్న ఈ మూవీకి ఇంకెన్ని లీకులు కాచుకు కూర్చున్నాయో!

అలా విడుదలకు ముందే విడుదలయిన ఈ సినిమాలు అన్నీ బాక్స్ ఆఫీస్ వద్ద సూపర్ హిట్స్ గా నిలవడం విశేషం.