తెలుగు చిత్ర పరిశ్రమకు కలిసి వచ్చిన సంవత్సరం 2017. ఈ ఏడాది రిలీజ్ అయిన చిత్రాల్లో ఎక్కువ శాతం విజయం సాధించాయి. ఆ ఫలితమే ఫిలిం మేకర్స్ లో ఉత్సాహాన్ని నింపాయి. అధిక సంఖ్యలో సినిమాలు విడుదలకు ముస్తాబవుతున్నాయి. సెప్టెంబర్లో ఈ సంఖ్య మరింత పెరిగింది. సెప్టెంబర్ 1 న బాలకృష్ణ పైసా వసూల్ రిలీజ్ కానుంది. అలాగే కన్నడ సినిమాని తెలుగులో ‘రథావరం’ అనే పేరుతో రేపే విడుదల చేస్తున్నారు. సెప్టెంబర్ 2న ‘వెళ్ళిపోమాకే’, ‘షాలిని’ చిత్రాలు విడుదలకు సిద్ధమయ్యాయి. సెప్టెంబర్ రెండవ వారం (8వ తేదీ)న దాదాపు 7 సినిమాలు విడుదలవుతున్నాయి. ‘యుద్ధం శరణం’, ‘మేడ మీద అబ్బాయి’, ‘ఒక్కడు మిగిలాడు’, ‘వీడెవడు’ ఇందులో ప్రధానంగా ఉన్నాయి.
‘ప్రేమిక’, అనువాద చిత్రాలు ‘హే పిల్లగాడా’, ‘సరసుడు’ కూడా ఇదే రోజు విడుదలవుతున్నాయి. మూడో వారంలో సైతం మరికొన్ని సినిమాలు రిలీజ్కి రెడీగా ఉన్నప్పటికీ అధికారికంగా ప్రకటించాల్సి ఉంది. నాలుగో వారం( సెప్టెంబర్ 21 )లో ఎన్టీఆర్ ‘జై లవ కుశ’ హంగామా చేయనుంది. నెలాఖరులో (సెప్టెంబర్ 27 ) మహేష్ స్పైడర్ తో అదరగొట్టనున్నారు. వీటితో పాటు మరికొన్ని సినిమాలు విడుదలకు రెడీ అవుతున్నాయి.
Also, do SUBSCRIBE to our YouTube channel to get latest Tollywood updates.
