శుక్రవారం సినిమాల సందడి

‘తొలిప్రేమ’ తర్వాత తెలుగులో మంచి సినిమా రాలేదు. గతవారం వచ్చిన సినిమాలన్నీ దారుణంగా నిరాశపరిచాయి. గతవారం విడుదలైన “అ!” అందరికీ అర్ధం కాకపోవడంతో మళ్ళీ శుక్రవారం ఏ సినిమాలు వస్తున్నాయా అని అందరూ ఆశగా ఎదురుచూడడం మొదలెట్టారు. అయితే… ఈవారం కూడా వారి ఆశలు నెరవేరే సూచనలేమీ కనపడడం లేదు. ఈ వారం 5 తెలుగు సినిమాలు, రెండు హిందీ సినిమాలు, ఒక ఇంగ్లీష్ సినిమా విడుదలవుతున్నాయి.

శ్రీకాంత్ నటించిన మొట్టమొదటి హారర్ సినిమా “రా రా”, రాహుల్ రవీంద్రన్ “హైద్రాబాద్ లవ్ స్టోరీ”, అందరూ కొత్తవారితో తెరకెక్కిన జువ్వ, చల్తే చల్తే”లతోపాటు తమిళ అనువాద చిత్రం “స్కెచ్” కూడా విడుదలవుతున్నాయి. వీటిలో “స్కెచ్” ఒక్కటే చెప్పుకోదగ్గ చిత్రం. హిందీలో “వెల్కం టు న్యూయార్క్” అనే ఎక్స్ పెరిమెంటల్ ఫిలిమ్ తోపాటు “ప్యార్ కా పంచనామా” సిరీస్ ద్వారా మంచి పాపులారిటీ సంపాదించుకొన్న లవ్ రాజన్ తెరకెక్కించిన “సోనూ కే టీటూ కీ స్వీటీ” చిత్రాలు విడుదలవుతున్నాయి. అలాగే.. జాకీచాన్ నటించగా గత నెల అమెరికాలో విడుదలైన “బ్లీడింగ్ స్టీల్” రేపు ఇండియాలో రిలీజవుతుంది.
వీటిలో ఏ ఒక్కటీ ఆసక్తి రేకెత్తించే సినిమాలు కాకపోగా.. మార్చి 2న కూడా ఇంచుమించుగా ఇదే స్థాయి సినిమాలు రిలీజ్ కి రెడీగా ఉండడంతో సినిమా అభిమానులందరూ మార్చి నెలాఖరు కోసం ఎదురుచూస్తున్నారు.