Mrunal Thakur : మృణాల్ – సిద్దాంత్ ల మధ్య సంథింగ్ సంథింగ్ ??

February 10, 2026 / 03:44 PM ISTByFilmy Focus Desk

Join Us

బాలీవుడ్ నుంచి టాలీవుడ్ వరకు తన నటనతో ప్రత్యేక గుర్తింపు తెచ్చుకున్న నటి మృణాల్ ఠాకూర్ ఇప్పుడు మరోసారి సోషల్ మీడియాలో హాట్ టాపిక్‌గా మారింది. ఈసారి కారణం సినిమా కాదు. వ్యక్తిగత జీవితంపై వినిపిస్తున్న రూమర్లే. మృణాల్ – సిద్ధాంత్ చతుర్వేది మధ్య ఏదో ప్రత్యేకమైన బంధం ఉందా అనే సందేహాలు నెటిజన్లలో మొదలయ్యాయి.

Mrunal Thakur

హిందీ టెలివిజన్ రంగం నుంచి తన కెరీర్‌ను ప్రారంభించిన మృణాల్, ఆ తర్వాత మరాఠీ సినిమాలతో వెండితెరపై అడుగుపెట్టింది. హిందీలో మంచి అవకాశాలు అందుకున్న తర్వాత, దర్శకుడు హను రాఘవపూడి తెరకెక్కించిన సీతారామం ద్వారా తెలుగులోకి ఎంట్రీ ఇచ్చి ఒక్కసారిగా యూత్ ఫేవరెట్‌గా మారిపోయింది. ఆ సినిమాలో సీత పాత్రలో ఆమె చూపించిన సున్నితమైన నటనకు తెలుగు ప్రేక్షకులు ఫిదా అయ్యారు. ఆ తర్వాత హీరో నానితో కలిసి నటించిన హాయ్ నాన్న కూడా మంచి గుర్తింపునిచ్చింది.

ప్రస్తుతం మృణాల్, సిద్ధాంత్ కలిసి నటిస్తున్న చిత్రం దో దీవానే సెహెర్ మేన్. సంజయ్ లీలా భన్సాలీ సమర్పణలో, రవి ఉద్యవార్ దర్శకత్వంలో రూపొందిన ఈ ప్యూర్ లవ్ స్టోరీ ఫిబ్రవరి 20న విడుదలకు సిద్ధమవుతోంది. ఈ సినిమా ప్రమోషన్స్‌లో భాగంగా ఇటీవల సిద్ధాంత్ చేసిన ఒక సర్‌ప్రైజ్ వీడియో సోషల్ మీడియాలో వైరల్ అయింది. వాలెంటైన్స్ వీక్ సందర్భంగా జరిగిన ఆ సంఘటనలో మృణాల్ భావోద్వేగానికి గురై సిద్ధాంత్‌ను హగ్ చేసుకోవడం కనిపించింది.

ఇదే వీడియో ఇప్పుడు “ఇది నిజమైన ప్రేమేనా.. లేక సినిమా ప్రచారంలో భాగమా?” అనే చర్చకు తెరలేపింది. కొందరు వీరిద్దరూ నిజంగానే ప్రేమలో ఉన్నారని అంటుంటే, మరికొందరు ఇది పక్కా ప్రమోషనల్ స్టంట్ అని అభిప్రాయపడుతున్నారు. నిజం ఏంటన్నది కాలమే చెప్పాలి. కానీ ఒక విషయం మాత్రం ఖాయం. మృణాల్ – సిద్ధాంత్ జంట ప్రస్తుతం బీటౌన్‌లో ఫుల్ బజ్ క్రియేట్ చేస్తోంది.