Mrunal Thakur: కన్నీరుమున్నీరు అయిన ‘సీత’.. మొత్తం కథ చెబుతా అంటూ…!

మృణాల్‌ ఠాకూర్‌.. చూడటానికి చాలా ధైర్యవంతురాలిలా కనిపిస్తుంది. ఆమె బాడీ లాంగ్వేజ్‌, నటన, సినిమాల ఎంపిక, ఇంటర్వ్యూల్లో మాటలు.. ఇలా అన్నీ అదిరిపోతాయి. అలాంటామె ఇన్‌స్టాగ్రామ్‌ వేదికగా కన్నీళ్లు పెట్టుకుంది. ఏమైంది అని అభిమానులు అనుకుంటుండగా.. తన కష్టాల కథ మొత్తం చెబుతా అంటూ.. వివరంగా చెప్పే ప్రయత్నం చేసింది. వరుస సినిమా చిత్రీకరణలతో బిజీగా ఉన్న మృణాల్‌ కన్నీరు పెట్టుకుంటూ ఇన్‌స్టాగ్రామ్‌లో కనిపించేసరికి.. అందరూ షాక్‌ అయ్యారు.

గతంలో తాను చాలా గడ్డు పరిస్థితులు అనుభవిచానని, అయితే ఇప్పుడు సంతోషంగా ఉన్నాను అంటూ తన బాధ వెనుక కథను చెప్పే ప్రయత్నం చేసింది మృణాల్‌. ‘‘గడిచిన కాలంలో ఎన్నో కష్టాలు అనుభవించాను. కానీ ఈ రోజు ధైర్యంగా సంతోషంతో ఉన్నాను. ప్రతి ఒక్కరికీ ఒక కథ ఉంటుంది. కాకపోతే దాన్ని అందరికీ చెప్పడానికి ఆసక్తి చూపించరు. నేను అలా కాదు. నా కథను ఈ ప్రపంచానికి వినిపించేలా చెబుతా. ఎందుకంటే నా కథ నుండి వేరొకరు పాఠాలు నేర్చుకుంటారని ఆశిస్తున్నాను’’ అంటూ తన బాధను వెలిబుచ్చింది.

అయితే, ఆ పోస్ట్‌లో తాను పెట్టిన ఫొటో ఇప్పటిది కాదని, మానసికంగా కుంగుబాటుకు గురైన సమయంలోనిది అని చెప్పుకొచ్చింది. మొత్తం చెబుతాను అంటూ.. గతంలో ఇబ్బందులు పడ్డాను అని మాత్రం చెప్పి వదిలేసి మృణాల్‌. దీంతో నెటిజెన్లు కామెంట్ల వర్షం కురిపించారు. ‘ప్రేమలో విఫలమయ్యారా?, ‘ధైర్యంగా ఉండండి. అంతా మంచే జరుగుతుంది’ అంటూ కామెంట్స్‌ చేస్తున్నారు. కొన్ని కామెంట్స్‌కి రిప్లై ఇచ్చిన మృణాల్‌.. అసలు ఏమైంది అనే విషయం మాత్రం చెప్పలేదు.

హను రాఘవపూడి దర్శకత్వంలో రూపొందిన ‘సీతారామం’ సినిమాతో మృణాల్‌ తెలుగు తెరకు పరిచయమైంది. ఆ సినిమాలో ప్రిన్సెస్ నూర్జహాన్‌గా, సీతగా అదరగొట్టింది. ఈ సినిమా తర్వాత వరుస అవకాశాలు వచ్చినా.. మృణాల్‌ అన్నీ ఓకే చేయలేదు. నాని హీరోగా ఓ సినిమాకు సైన్‌ చేసింది. రామ్‌చరణ్‌ – బుచ్చిబాబు సినిమాలోనే ఆమెనే నాయిక అని అంటున్నారు. త్వరలో దీనిపై క్లారిటీ వచ్చే అవకాశం ఉంది.

హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!

తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?