హను రాఘవపూడి బాలీవుడ్‌ భామను తీసుకొస్తున్నాడా?

దుల్కర్‌ సల్మాన్‌ కథానాయకుడిగా హను రాఘవపూడి ఓ సినిమా చేయబోతున్న విషయం తెలిసిందే. కొన్ని రోజుల క్రితమే ఈ సినిమా ప్రకటించినప్పుటికీ వివిధ కారణాల వల్ల సినిమా మొదలవ్వలేదు. ఇప్పుడు ఈ సినిమాకు సంబంధించిన ఆసక్తికరమైన అప్‌డేట్‌ ఒకటి బయటికొచ్చింది. ఈ సినిమా కథానాయికగా బాలీవుడ్‌ భామ మృణాల్‌ ఠాకూర్‌ను తీసుకొస్తున్నారట. యుద్ధం – ప్రేమ నేపథ్యంలో సాగే ఒక విభిన్నమైన ప్రేమ కథగా ఈ సినిమా ఉండబోతోందట. ఇందులో నాయిక పాత్రకు చాలా ప్రాధాన్యముందట.

ఈ సినిమాలో లెఫ్టినంట్ రామ్ పాత్రలో దుల్కర్ సల్మాన్ కనిపించనున్నాడు. స్వప్న సినిమాస్ పతాకంపై భారీ బడ్జెట్‌తో తెలుగు, మలయాళం, తమిళ, హిందీ భాషల్లో ఈ సినిమా రూపొందిస్తున్నారు. ఇన్ని భాషల్లో తీస్తున్న సినిమా కావడంతో కాస్ట్‌ అండ్‌ క్రూ విషయంలో హను చాలా జాగ్రత్తలు తీసుకుంటున్నాడట. అందులో భాగంగానే మృణాల్‌ను నాయికగా ఎంచుకున్నారని భోగట్టా. ప్రస్తుతం మృణాల్‌ ఠాకూర్‌ వరుస బాలీవుడ్‌ సినిమాలు చేస్తూ వస్తోంది.

తెలుగులో మంచి విజయం సాధించిన ‘జెర్సీ’ హిందీ రీమేక్‌లో కథానాయికగా నటిస్తోంది. అంటే రీమేక్‌లో నాయికగా నటిస్తూ… స్ట్రెయిట్‌ తెలుగు సినిమా చేయబోతోందన్నమాట. ఈ చిత్రానికి సంబంధించిన మరిన్ని వివరాలు త్వరలో తెలుస్తాయి.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!