బన్నీ- త్రివిక్రమ్ చిత్రానికి ముహూర్తం ఫిక్స్

స్టైలిష్ స్టార్ అల్లు అర్జున్ నటించిన గత రెండు చిత్రాలు నిరాశపరిచాయనే చెప్పాలి. హరీష్ శంకర్ డైరెక్షన్లో చేసిన ‘దువ్వాడ జగన్నాధం – డీ జె’ చిత్రం యావరేజ్ గా నిలువగా ‘నా పేరు సూర్య- నా ఇల్లు ఇండియా’ చిత్రం డిజాస్టర్ అయిన సంగతి తెలిసిందే. సో ఈ సారి అలాగైనా హిట్టు కొట్టాలనే కసితో ఉన్నాడట బన్నీ. ఇప్పటి వరకూ చాలా డైరెక్టర్లు చెప్పిన కధలు వినినప్పటికీ.. కచ్చితంగా హిట్టు కొట్టాలని మాటల మాంత్రికుడు త్రివిక్రమ్ తో చేయడమే కరెక్ట్ అని బన్నీ భావిస్తున్నట్టు తెలుస్తోంది.

ఇక త్రివిక్రమ్ కూడా బన్నీ కి ఇప్పటికే మూడు కథల్ని వినిపించగా ఒక కథను ఓకే చేసి అందులో కూడా మార్పులు చెప్పాడట. ఇక మున్నీ చెప్పిన మార్పులు .. చేర్పులు డెవలప్ చేసి పూర్తి స్క్రిప్ట్ ను బన్నీకి వినిపించాడట. దీనికి బన్నీ కూడా ఓకే చేసాడని సమాచారం. ఇక 2019 జనవరిలో ఈ చిత్రాన్ని ప్రారంభించడానికి రంగం సిద్ధమైనట్టు టాక్. ఫిబ్రవరి నుండీ రెగ్యులర్ షూటింగును మొదలుకానుందట. హారికా అండ్ హాసినీ క్రియేషన్స్ బ్యానర్ పై ఈ చిత్రం నిర్మితమవుతున్నట్టు సమాచారం.