Chiru 153: నెవర్ బిఫోర్ అనేలా మెగాస్టార్ లుక్!

టాలీవుడ్ మెగాస్టార్ చిరంజీవి తన కుమారుడు మెగాపవర్ స్టార్ రామ్ చరణ్ తో కలిసి ప్రస్తుతం ఆచార్య సినిమా చేస్తున్నారు. మ్యాట్నీ ఎంటర్టైన్మెంట్స్, కొణిదెల ప్రొడక్షన్స్ సంస్థలపై ఎంతో భారీ వ్యయంతో నిర్మితం అవుతున్న ఈ సినిమా షూటింగ్ ప్రస్తుతం హైదరాబాద్ లోని అల్యూమినియం ఫ్యాక్టరీ లో జరుగుతున్నట్లు తెలుస్తోంది. దేవాలయ భూముల వివాదాల పై మంచి మెసేజ్ తో పాటు యాక్షన్ తో కూడిన కమర్షియల్ మూవీ గా కొరటాల దీనిని తెరకెక్కిస్తున్నట్లు టాక్.

కాజల్ అగర్వాల్, పూజా హెగ్డే హీరోయిన్స్ గా నటిస్తున్న ఈ సినిమా జనవరిలో ప్రేక్షకుల ముందుకు రానున్నట్లు సమాచారం. అయితే దీని తరువాత మోహన్ రాజా దర్శకత్వంలో లూసిఫెర్ తెలుగు రీమేక్ మూవీ చేయనున్నారు మెగాస్టార్ చిరంజీవి. ఇటీవల అధికారిక పూజా కార్యమ్రాలు కూడా జరుపుకున్న ఈ సినిమాలో నయనతార ఒక కీలక పాత్ర చేయనుండగా యువ నటుడు సత్య దేవ్ మరొక ముఖ్య పాత్రలో కనిపించనున్నట్లు చెప్తున్నారు.

థమన్ సంగీతం అందిస్తున్న ఈ సినిమాకి సంబంధించి రేపు సాయంత్రం 5 గం. 04 ని. లకు మెగాస్టార్ సుప్రీం రివీల్ పేరుతో టైటిల్ తో పాటు ఫస్ట్ లుక్ పోస్టర్ ని యూనిట్ విడుదల చేయనున్నట్లు తెలుస్తోంది. అందుతున్న సమాచారం ప్రకారం అతి త్వరలో సెట్స్ మీదకు వెళ్లనున్న ఈ సినిమాని వీలైనంత త్వరగా పూర్తి చేసి వచ్చే ఏడాది సమ్మర్ కానుకగా రిలీజ్ చేసేలా దర్శకనిర్మాతలు ప్రణాళిక సిద్ధం చేసినట్లు టాక్. ఈ సినిమాలో మెగాస్టార్ పాత్ర నెవర్ బిఫోర్ నెవర్ ఎగైన్ అనే రేంజ్ ఓ ఉంటుందట. కొణిదెల ప్రొడక్షన్ కంపెనీ, మెగా సూపర్ గుడ్ ఫిలిమ్స్ వారు దీనిని ఎంతో భారీ ఖర్చుతో నిర్మిస్తున్నారు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!