అక్కినేని బ్రదర్స్ గురించి చెప్పిన ముంబై బ్యూటీ

మున్నా మైఖేల్ సినిమా ద్వారా బాలీవుడ్ లోకి అడుగు పెట్టిన బ్యూటీ నిధి అగర్వాల్… తెలుగులో నాగచైతన్యకి జోడీగా సవ్యసాచిలో నటించింది. చందూ మొండేటి దర్శకత్వంలో తెరకెక్కిన ఈ సినిమాపై భారీగానే అంచనాలున్నాయి. ఈ సినిమా రిలీజ్ కాకముందే అక్కినేని సినిమాలో ఛాన్స్ అందుకుంది. హలో తర్వాత అక్కినేని ప్రిన్స్ చేస్తున్న ఈ మూవీ వేగంగా షూటింగ్ జరుపుకుంటోంది. వెంకీ అట్లూరి దర్శకత్వంలో రూపుదిద్దుకుంటున్న ఈ సినిమా షూటింగ్ లో రీసెంట్ గా నిధి జాయిన్ అయింది. కెరీర్ మొదట్లోనే అక్కినేని బ్రదర్స్ తో నటించే అవకాశాన్ని అందుకున్న ఈ భామని అన్నదమ్ముల మధ్య తేడా ఏంటి అని అడిగితే ఆసక్తికర సంగతులు చెప్పింది.

“నాగచైతన్య పాజిటివ్ యాటిట్యూడ్ తో ఉండే వ్యక్తి. చాలా టాలెంటెడ్. షూటింగ్ మొదటి రోజు నుంచే నన్ను కంఫర్టబుల్ గా ఉంచేవాడు. తెలుగు నాకు అర్థం కాకపొతే వివరించేవాడు” అని చెప్పింది. ఇక అఖిల్ విషయానికి వస్తే ఫుల్ ఎనర్జీ తో ఉంటాడని, అందరితో కలిసిపోతాడు” అని తెలిపింది. ఈ రెండు సినిమాలు రిలీజ్ అయిన తర్వాత నిధి అగర్వాల్ కి మరిన్ని ఆవకాశాలు దక్కే ఆస్కారం ఉందని సినీ విశ్లేషకులు చెబుతున్నారు. ఎస్.ఎస్. థమన్ సంగీతమందిస్తున్న అఖిల్ సినిమా తొలి షెడ్యూల్ లండన్లో జరుగుతోంది. 40 రోజుల పాటు నాన్ స్టాప్ గా కొనసాగనున్న ఈ షెడ్యూల్లో కీలక పార్ట్ కంప్లీట్ చేయనున్నారు. అనంతరం హైదరాబాద్ లో షూటింగ్ చేయనున్నారు.