ఈ మధ్య కాలంలో మూవీ ఆర్టిస్ట్ అసోసియేషన్ ఎన్నికల గురించి ప్రేక్షకుల మధ్య జోరుగా చర్చ జరుగుతోంది. ఏకంగా ఐదుగురు ప్రముఖ సెలబ్రిటీలు ఎన్నికల్లో పోటీ చేస్తున్నట్టు ప్రకటించడంతో ‘మా’ అధ్యక్ష పదవికి ఎవరు ఎన్నికవుతారో అని ప్రేక్షకులు చర్చించుకుంటున్నారు. అయితే ప్రస్తుతం ఏకగ్రీవం దిశగా అడుగులు పడుతున్నాయని ఎవరు అధ్యక్ష పదవికి ఎంపికైనా ఆశ్చర్యపోవాల్సిన అవసరం లేదని కామెంట్లు వినిపిస్తున్నాయి. తాజాగా మురళీ మోహన్ దాసరి నారాయణరావు లేని లోటు స్పష్టంగా కనిపిస్తోందని మెగాస్టార్ చిరంజీవి మాత్రమే దాసరి నారాయణరావు లేని లోటును భర్తీ చేయగలరని పేర్కొన్నారు.
ప్రస్తుతం ఇండస్ట్రీకి పెద్ద దిక్కు చిరంజీవేనని రాజకీయ నాయకుడిగా అనుభవం ఉండటంతో పాటు కేంద్ర మినిష్టర్ గా చిరంజీవి పని చేశారని మురళీ మోహన్ పేర్కొన్నారు. చిరంజీవి మంచితనంతో కోట్ల రూపాయల సాయం చేస్తున్నారని మురళీ మోహన్ చెప్పుకొచ్చారు. మా అసోసియేషన్ కు పెద్ద హీరోలు రావడం లేదని వారికి అవసరం లేదని మురళీ మోహన్ పేర్కొన్నారు. ఎన్టీఆర్, మహేష్, బన్నీలకు ఏదైనా సమస్య వస్తే వాళ్లే పరిష్కరించుకుంటారని వాళ్లకు మా అసోసియేషన్ అవసరం లేకపోయినా చిన్న వాళ్ల పరిస్థితి ఏమిటని ప్రశ్నించారు.
మా ప్రెసిడెంట్ పదవి అంటే హుందాగా ఉండాలని హీరోలు మా ప్రెసిడెంట్ గా ఉంటే బాగుంటుందని మురళీ మోహన్ అన్నారు. మరి మా అధ్యక్ష పదవికి పోటీ చేయడానికి హీరోలు ఆసక్తి చూపుతారో లేదో చూడాల్సి ఉంది. మురళీ మోహన్ చేసిన కామెంట్లు నెట్టింట వైరల్ అవుతున్నాయి.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
