సూపర్ స్టార్ మహేష్ బాబు కథానాయకుడిగా మురుగదాస్ ఓ చిత్రాన్ని తెరకెక్కించనుండగా.. ఈ చిత్రాన్ని దాదాపు రూ.80 కోట్ల భారీ బడ్జెట్ తో నిర్మించనున్నారు. ఈ చిత్రంలో మహేష్ సరసన పరిణితి చోప్రా జంటగా నటించనుండగా.. ఈ చిత్రం కోసం ఆమె దాదాపు రూ.3 కోట్ల రూపాయలను తీసుకొందని ఇప్పటికే రకరకాలుగా చెప్పుకొంటున్నారు.
కాగా.. తెలుగు, తమిళ భాషల్లో ఠాగూర్ మధు, ఎన్‌వి ప్రసాద్ లు సంయుక్తంగా నిర్మిస్తున్న ఈ చిత్రం కోసం మహేష్ కూడా బాగానే వసూలు చేస్తున్నట్లు భోగట్టా. ఇవన్నీ పక్కన పెడితే.. ఈ సినిమా కోసం దర్శకుడు మురుగదాసే ఏకంగా 20 కోట్ల రూపాయల పారితోషికం అందుకొన్నాడని తెలుస్తోంది. ఎంత మల్టీ లంగువల్ సినిమా అయినప్పటికీ.. మరీ ఇంత భారీ రెమ్యూనరేషనా అని అందరూ నోరెళ్ళబెడుతున్నారు.
చూస్తుంటే.. సినిమా ప్రొడక్షన్ కాస్ట్ కంటే పారితోషికాలే ఎక్కువగా అవుతున్నట్లు అనిపిస్తోంది. మరి నిర్మాతలు ఈ భారీ మొత్తాలను సినిమా విడుదలయ్యాక రాబట్టుకోగలరో లేదో చూడాలి!
