అమర్ అక్బర్ ఆంటోనీ రిజల్ట్ తో తెరీ రీమేక్ కు ఫుల్ స్టాప్ పెట్టేశారు

ఒక అయిదేళ్ళ క్రితం వరకూ మోస్ట్ బ్యాంకబుల్ హీరోగా నిర్మాతలు తన కోసం క్యూ కట్టేలా చేసుకొన్న మాస్ మహారాజా రవితేజ.. ప్రస్తుతం మోస్ట్ అన్ సక్సెస్ ఫుల్ & అన్ వాంటెడ్ హీరో అయిపోయాడు. “టచ్ చేసి చూడు, నేల టికెట్టు, అమర్ అక్బర్ ఆంటోనీ” లాంటి వరుస డిజాస్టర్లతో ఒక్కసారిగా రవితేజ చతికిలపడ్డాడు. దాంతో.. “అమర్ అక్బర్ ఆంటోనీ” అనంతరం రవితేజతో మరో సినిమా తీద్దామనుకున్న మైత్రీ మూవీ మేకర్స్ కూడా బ్యాక్ స్టెప్ వేశారు. “అమర్ అక్బర్ ఆంటోనీ” ఫ్లాప్ అవ్వడంతో శ్రీనువైట్ల దర్శకత్వ ప్రతిభ మాత్రమే కాక రవితేజ మార్కెట్ మరియు క్రేజ్ ఏమిటో నిర్మాణ సంస్థకు అర్ధమైంది. దాంతో.. రవితేజ హీరోగా తీద్దామనుకున్న “తెరీ” రీమేక్ ను అర్ధాంతరంగా ఆపేశారని తెలుస్తోంది.

నిజానికి “నేల టికెట్టు” అనంతరం తెరీ రీమేక్ షూటింగ్ కూడా మొదలైంది. కానీ.. కారణాంతరాల వలన ఆ సినిమాను మధ్యలోనే ఆపేసి “అమర్ అక్బర్ ఆంటోనీ” షూట్ మొదలెట్టారు. ఇప్పుడు “అమర్ అక్బర్ ఆంటోనీ” డిజాస్టర్ అవ్వడంతో “తెరీ” రీమేక్ ను మొత్తానికి పక్కనెట్టేసినట్లు తెలుస్తోంది. మరి రవితేజ గనుక తన తదుపరి చిత్రంతో హిట్ కొట్టకపోతే.. భవిష్యత్ లో ఆయనతో సినిమాలు తీసేందుకు నిర్మాతలెవరూ కనీసం ఆసక్తి కూడా కనబరచరు.