రవితేజ సినిమా రిలీజ్ డేట్ విషయంలో తికమక

మైత్రి మూవీ మేకర్స్ వారి కథల సెలక్షన్ మాత్రమే కాదు, ప్లానింగ్ కూడా పక్కాగా ఉంటుంది. అందుకే శ్రీమంతుడు, జనతా గ్యారేజ్, రంగస్థలం వంటి సినిమాలను నిర్మించగలిగారు. అయితే తొలిసారి తికమకపడుతున్నట్టు తెలిసింది. ప్రస్తుతం వారు నాలుగు సినిమాలు నిర్మిస్తున్నారు. అందులో ఈ ఏడాది రిలీజ్ చేయాలనుకున్న సినిమాలు సవ్యసాచి, అమర్ అక్బర్ ఆంటోని. నాగచైతన్య హీరోగా చందు మొండేటి దర్శకత్వంలో తెరకెక్కుతోన్న సవ్యసాచి ఎప్పుడో రిలీజ్ కావాలి. కానీ కుదరలేదు. ఇంకా శ్రీను వైట్ల దర్శకత్వంలో రవితేజ నటిస్తున్న అమర్ అక్బర్ ఆంటో సినిమాని అక్టోబర్ లో విడుదల చేయాలనీ అనుకున్నారు. ఇది కూడా అనుకున్న సమయానికి పూర్తి కాలేదు.

దీంతో వాయిదా వేశారు. తాజాగా సవ్యసాచి రిలీజ్ డేట్ ఫిక్స్ చేశారు. నవంబర్ 2న విడుదల అవుతుందని ప్రకటించారు. ఒక సినిమా రిలీజ్ డేట్ ఖరారు అయింది. మరి రవి తేజ నటించిన ‘అమర్ అక్బర్ ఆంటోని’ చిత్రం అక్టోబర్ 5న విడుదల కావాలి. కానీ వాయిదాల మీద వాయిదాలు వేస్తున్నారు. ఎప్పుడు రిలీజ్ అవుతుందా? అని అభిమానులు ఎదురుచూస్తున్నారు. నవంబర్లో సవ్యసాచి విడుదల అవుతుంది కాబట్టి.. ఒక నెల గ్యాప్ ఇచ్చి రవితేజ సినిమాని రిలీజ్ చేయాలనీ ఆలోచనలో మైత్రి మూవీ మేకర్స్ వారు ఉన్నట్లు ఫిలిం నగరవాసులు చెప్పారు. అధికారిక ప్రకటన వచ్చేవరకు నమ్మలేము.