నా పేరు సూర్య లో బన్నీ నటన అద్భుతమని చెప్పిన నిర్మాతలు

స్టైలిష్ స్టార్ అల్లు అర్జున్ క్యారక్టర్ కి అనుగుణంగా మారిపోతుంటారు. ఈ సారి నా పేరు సూర్య కోసం బాగా కష్టపడ్డారని నిర్మాతలు శ్రీధర్, బన్నీ వాసులు చెప్పారు. కొత్త డైరక్టర్ వక్కంతం వంశీ దర్శకత్వంలో రూపుదిద్దికుంటున్న ఈ సినిమాలో అను ఇమ్యానుయేల్ హీరోయిన్ గా నటిస్తుండగా, యాక్షన్ కింగ్ అర్జున్, శరత్ కుమార్ ముఖ్య పాత్రల్లో కనిపించనున్నారు. ఈ చిత్రానికి సంబంధించిన ఫస్ట్ ఇంపాక్ట్‌ , డైలాగ్ ఇంపాక్ట్ అదరగొట్టాయి. ఇప్పటికే రిలీజ్ అయిన రెండు పాటలు కూడా ఆకట్టుకున్నాయి. బాలీవుడ్ సంగీత ద్వయం విశాల్ – శేఖర్ లు స్వరపరిచిన ఈ చిత్రంలోని మూడవ పాట “బ్యూటిఫుల్ లవ్..”ని ఏప్రిల్ 13న విడుదల చేయనున్నారు.

ఈ సందర్భంగా నిర్మాతలు మాట్లాడుతూ నా పేరు సూర్య లో అల్లు అర్జున్ నటనే హైలెట్ అవుతుందని స్పష్టం చేశారు. మిల‌ట‌రి వాళ్లు ఎలా వ‌ర్క‌వుట్ చేస్తారో తెలుసుకుని అలాగే బన్నీ కష్టపడినట్లు వెల్లడించారు. ఈ సినిమా చూసిన తర్వాత మొదట అందరూ బ‌న్నీ ఫెర్‌ఫార్మెన్స్ గురించే మాట్లాడుకుంటారని ధీమా వ్యక్తం చేశారు. భారీ అంచనాలు నెలకొని ఉన్న ఈ సినిమా మే 4న థియేటర్లోకి రానుంది. రచయితగా అనేక హిట్స్ అందుకున్న వక్కంతం వంశీ ఈ మూవీతో డైరక్టర్ గా నిరూపించుకుంటారని సినీ విశ్లేషకులు అంచనా వేస్తున్నారు.