టాలీవుడ్ ఇండస్ట్రీలో మంచి గుర్తింపును సొంతం చేసుకున్న హీరోయిన్లలో కన్నడ హీరోయిన్లు ముందువరసలో ఉంటారు. శాండిల్ వుడ్ ఇండస్ట్రీ ద్వారా పాపులారిటీ తెచ్చుకుని తెలుగులో బిజీ అయిన హీరోయిన్లలో అషికా రంగనాథ్ ఒకరు. అమిగోస్ సినిమాతో అదృష్టాన్ని పరీక్షించుకున్న అషికా రంగనాథ్ కు ఆ సినిమా ఫలితం షాకిచ్చినా నా సామిరంగ సినిమా ఛాన్స్ తో తన జాతకం మారిపోతుందని ఆమె బలంగా నమ్ముతున్నారు. నా సామిరంగ మూవీ ఈ నెల 14వ తేదీన రిలీజ్ కానుండగా ఇప్పటికే విడుదలైన ఈ సినిమా ట్రైలర్ కు మంచి రెస్పాన్స్ వచ్చింది.
నా సామిరంగలో వరాలు అనే రోల్ లో కనిపిస్తానని రెండు వేరియేషన్స్ లో ఈ పాత్ర ఉంటుందని వరాలు పాత్ర అందరినీ అలరిస్తుందని నమ్మకంతో ఉన్నానని ఆమె తెలిపారు. వరాలు పాత్ర రెబల్ అని అషికా పేర్కొన్నారు. నాగార్జున ఛార్మింగ్, అమేజింగ్ పర్ఫార్మర్ అని అషికా కామెంట్లు చేశారు. నా సామిరంగ మూవీలో రొమాంటిస్ సీన్స్ ఉంటాయని నాగ్ రొమాంటిక్ హీరో అని ఆమె కామెంట్లు చేశారు.
నా సామిరంగ సినిమాలోని సాంగ్స్ కు మంచి రెస్పాన్స్ వస్తోందని అషికా చెప్పుకొచ్చారు. విజయ్ బిన్నీ అనుభవం ఉన్న డైరెక్టర్ లా ఈ సినిమాకు పని చేశారని ఆమె కామెంట్లు చేశారు. అనుష్కతో నన్ను పోల్చడం సంతోషంగా ఉందని అనుష్కకు అభిమానినని అషికా అన్నారు. పీరియాడిక్ ఫిల్మ్ చేయాలనే కోరిక ఉందని జక్కన్న సినిమాలో భాగం కావాలని కోరుకుంటున్నానని ఆమె పేర్కొన్నారు.
ఈ సినిమాను నిర్మాత శ్రీనివాస్ చిట్టూరి చాలా గ్రాండ్ గా నిర్మించారని ఈ సినిమా సక్సెస్ సాధిస్తుందనే నమ్మకం ఉందని అషికా చెప్పుకొచ్చారు. అషికా చేసిన కామెంట్లు నెట్టింట వైరల్ అవుతున్నాయి. తమిళంలో సిద్దార్థ్ తో ఒక సినిమా కన్నడలో రెండు సినిమాలు చేస్తున్నానని ఆమె (Ashika Ranganath) కామెంట్లు చేశారు.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
