Naa Saami Ranga Teaser: చాలా కాలం తర్వాత నాగార్జున ఊర మాస్ యాంగిల్..టీజర్ అదిరింది ..!

అక్కినేని నాగార్జున హీరోగా ‘నా సామి రంగ’ అనే సినిమా రాబోతుంది. కొరియోగ్రాఫర్ విజయ్ బిన్నీ ఈ చిత్రంతో దర్శకుడిగా పరిచయమవుతున్నాడు. శ్రీనివాస సిల్వర్ స్క్రీన్ బ్యానర్ పై శ్రీనివాసా చిట్టూరి ఈ చిత్రాన్ని నిర్మిస్తుండగా పవన్ కుమార్ సమర్పకులుగా వ్యవహరిస్తున్నారు. ఈ సినిమాలో అల్లరి నరేష్, రాజ్ తరుణ్ వంటి హీరోలు కూడా కీలక పాత్రలు పోషిస్తున్నారు.ఆల్రెడీ రిలీజ్ అయిన టైటిల్ గ్లింప్స్, ఫస్ట్ లుక్, పాటలు అన్నీ ప్రేక్షకులను ఇంప్రెస్ చేశాయి.

ప్రసన్న కుమార్ బెజవాడ ఈ సినిమాకి కథ, మాటలు అందించారు. యం.యం.కీరవాణి సంగీత దర్శకుడు. సంక్రాంతి కానుకగా 2024 జనవరి లో ఈ సినిమా రిలీజ్ కాబోతుంది అని చిత్ర బృందం ముందు నుండి చెబుతూనే ఉంది. రిలీజ్ డేట్ అయితే ఇంకా అనౌన్స్ చేయలేదు కానీ.. టీజర్ ను తాజాగా రిలీజ్ చేసింది చిత్ర బృందం.

ఈ టీజర్ విషయానికి వస్తే.. ఇది 1 :46 నిమిషాల నిడివి కలిగి ఉంది. అన్ని కమర్షియల్ హంగులతో ఈ టీజర్ ను కట్ చేశారు. అల్లరి నరేష్ చేస్తున్న అంజి పాత్రతో నాగార్జున పాత్రని పరిచయం చేశారు. తర్వాత లవ్ స్టోరీని చూపించారు. అల్లరి నరేష్ తో పాటు ఈ సినిమాలో నటిస్తున్న మరో హీరో రాజ్ తరుణ్ కూడా టీజర్ లో కనిపించడం విశేషం.

కీరవాణి బ్యాక్ గ్రౌండ్ స్కోర్ కూడా టీజర్ లో ఉన్న మాస్ అంశాలకు తగ్గట్టు పెర్ఫెక్ట్ గా సెట్ అయ్యింది. సంక్రాంతి సీజన్ కి తగ్గ సినిమా ఇది అని టీజర్ తో చెప్పకనే చెప్పింది చిత్ర బృందం. చాలా కాలం తర్వాత నాగార్జున తనకు కలిసొచ్చే జోనర్ లో సినిమా చేసినట్టు కూడా ‘నా సామి రంగ’ టీజర్ ప్రామిస్ చేసింది అని చెప్పాలి. ఇంకెందుకు ఆలస్యం (Naa Saami Ranga) ‘నా సామి రంగ’ టీజర్ ను మీరు కూడా ఓ లుక్కేయండి :

హాయ్ నాన్న సినిమా రివ్యూ & రేటింగ్!!

‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!