రెండేళ్ల క్రితం అనూహ్యంగా సినిమాల నుండి దూరమైంది నభా నటేశ్‌. ఎందుకు సినిమాలు చేయడం, ఛాన్స్‌లు రావడం లేదా? లాంటి ప్రశ్నలు చాలానే వినిపించాయి. అయితే వేటికీ సమాధానం రాలేదు. మెల్లగా ఆమెను మరచిపోయే పరిస్థితి వచ్చింది. కానీ ఆమె మళ్లీ తిరిగొచ్చింది. సోషల్‌ మీడియాలో తన గ్లామర్‌ ఫొటోలతో సందడి చేస్తోంది. ఛాన్స్‌ల కోసం ప్రయత్నాలు చేస్తోంది. ఇన్నాళ్లూ ఏమైందా అని చూస్తే… ఏదో పెద్ద యాక్సిడెంట్‌ అయ్యిందని తెలిసింది.
అయితే, ఎట్టకేలకు నభా నటేశ్‌ నిరీక్షణకు తెరపడింది. ప్రయత్నాలకు ఫలితం వచ్చింది. అవును నభాకు కొత్త సినిమా ఛాన్స్ వచ్చింది. అది కూడా టాలీవుడ్‌లో ఆ మాటకొస్తే దేశంలోనే రూపొందుతున్న ప్రతిష్ఠాత్మక చిత్రాల్లో ఒకటైన ‘భక్త కన్నప్ప’ సినిమాలో ఛాన్స్ కొట్టేసింది. అయితే ఇక్కడో మెలిక ఏంటంటే… ఆమె అందులో ప్రధాన పాత్రధారి కాదు. ఓ అతిథి పాత్ర కోసం తీసుకున్నారని సమాచారం. ఈ విషయంలో త్వరలో అధికారిక ప్రకటన ఉంటుంది.
మంచు విష్ణు ‘కన్నప్ప’గా నటిస్తునన చిత్రంలో నభా నటేశ్‌ ఓ కీలక పాత్రకు తీసుకున్నారట. సినిమాలో గిరిజన యువతిగా నభా నటేష్ ఈ చిత్రంలో నటిస్తోంది.ఆమె పాత్ర సినిమా సెకండ్ హాఫ్‌లో వస్తుందని, అంతేకాదు ఆమెపై ఓ స్పెషల్ సాంగ్‌ కూడా ఉంటుంది అని అంటున్నారు. ‘కన్నప్ప’లో స్పెషల్ సాంగ్‌ అంటే ఐటెమ్‌ సాంగ్‌ అయ్యే అవకాశం లేదు. కాబట్టి ఏదో స్పెషల్‌గా డిజైన్‌ చేస్తున్నారు అని చెప్పొచ్చు. అన్నట్టు ‘భక్త కన్నప్ప’ సినిమాలో మ‌ల‌యాళ స్టార్ హీరో మోహ‌న్ లాల్ ఓ కీలక పాత్ర చేస్తున్నారు.
ఆదివాసీ తెగ‌కు సంబంధించిన నాయకుడిగా మోహ‌న్‌లాల్ కనిపిస్తారట. అంటే ఆయనకు, నభాకు కొన్ని సన్నివేశాలు ఉండే అవకాశం ఉంది. ఇక ఈ సినిమాలో ప్రభాస్ మహా శివునిగా కనిపించనున్నాడు. పార్వతీ దేవిగా నయనతార నటిస్తోంది. వీళ్లు కాకుండా శివరాజ్‌ కుమార్‌, శరత్‌ కుమార్‌, సునీల్‌ శెట్టి లాంటి స్టార్ నటులు కూడా నటిస్తున్నారు. తెలుగు నుండి కూడా స్పెషల్ నటులు ఉంటారు అని చెబుతున్నారు.
సలార్ సినిమా రివ్యూ & రేటింగ్!
డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!
