క్రియేటివ్ డైరెక్టర్ కృష్ణ వంశీ దర్శకత్వంలో సందీప్ కిషన్ హీరో గా నటిస్తుండగా.. ఈ చిత్రానికి ‘నక్షత్రం’ అనే టైటిల్ ను ఖరారు చేశారు. ఇటీవలే ఈ చిత్రం పూజా కార్యక్రమలతో లాంఛనంగా ప్రారంభం అయ్యింది. ఈ చిత్రంలో సందీప్ కిషన్ సరసన కాజల్ అగర్వాల్ నటించనుందని వార్తలు వినిపించినప్పటికీ..
తాజాగా నందిత పేరును ఖరారు చేశారని ఫిల్మ్ నగర్ వర్గాలు అంటున్నాయి. ఇటీవలే విడుదలైన సావిత్రి, కోన వెంకట్ సావిత్రి చిత్రాల్లో నటించిన నందితకు పెద్దగా కలిసి రాలేదు. ఈ రెండు చిత్రాలు కూడా బాక్సాఫీస్ వద్ద బోల్తా కొట్టాయి. ఇప్పుడు కృష్ణ వంశీ దర్శకత్వంలో నటించే అవకాశం వచ్చిన ఆమెకు.. ఈ చిత్రంతో అయినా మంచి ‘స్టార్’ అవకాశాలు వస్తాయేమో వేచిచూడాలి. మరోవైపు సందీప్ కిషన్ నటిస్తున్న ఒక్క అమ్మాయి తప్ప విడుదలకు సిద్దమౌతుండగా.. తమిళంలో మాయావన్ చిత్ర షూటింగ్ లోనూ సందీప్ పాల్గొంటున్నాడు.
