Nag Ashwin: అసలు సినిమా వదిలేసి.. ఇతరుల సినిమాలను చక్కదిద్దే పనిలో నాగ్‌ అశ్విన్‌

September 1, 2026 / 06:20 PM ISTByFilmy Focus Desk

Join Us

ఆ సినిమా షూటింగ్‌ మొదలై ఏడు నెలలు అయిపోయింది. ఈ పాటికి ఎంత షూటింగ్‌ అయిపోయి ఉండొచ్చు చెప్పండి.. కనీసంలో కనీసం సగం సినిమా షూటింగ్‌ అయిపోయవాలి. స్టార్‌ హీరో సినిమా, పాన్‌ ఇండియా సినిమా, స్టార్లు చాలా మంది ఉన్న సినిమా అయితే కనీసం పావు వంతు అంటే 25 శాతం షూటింగ్‌ అయిపోయి ఉండాలి. కానీ ఓ సినిమా ఈ ఏడు నెలల కాలంలో కేవలం పది శాతం షూటింగ్‌ మాత్రమే జరుపుకుంది. ఈ మాట వింటే ఆశ్చర్యంగా అనిపించొచ్చు కానీ ఇది నిజం.

Nag Ashwin

షూటింగ్‌ మొదలు కాకపోవడానికి ఏవేవో కారణాలు ఉండొచ్చు. అయితే ప్రధాన తారలు అందుబాటులో లేకపోవచ్చు. లేదంటే హీరో ఒక్కరే అందుబాటులో లేకపోవచ్చు. కారణం ఏదైనా కావొచ్చు ఇతర నటులతో సినిమాను ముందుకు తీసుకెళ్లాలి. ప్రస్తుతం టాలీవుడ్‌లో కొంతమంది దర్శకులు ఇదే పని చేస్తున్నారు కూడా. అయితే ఓ దర్శకుడు మాత్రం ఇలా చేయడం లేదు. హీరో డేట్స్‌ ఇచ్చే టైమ్‌లో ఆయన ఇతర సినిమాలకు తన వంతు సాయం చేస్తున్నారు. ఒక సినిమాకు చేశారు కూడా.

ఈ విషయంలో ఓ సినిమా పేరు గురించి కాస్త డౌట్‌ ఉన్నా.. ఇంకో సినిమాకు సంబంధించి ఆ సినిమా హీరోనే ఈ విషయం చెప్పుకొచ్చారు. ఇక్కడ వేరే సినిమా పనులు చూస్తున్న దర్శకుడు నాగ్‌ అశ్విన్‌ కాగా. ఆ సినిమాలే ‘సింగ్‌ గీతం’, ‘విశ్వంభర’.. ఇప్పుడు ‘ఐయామ్‌ గేమ్‌’. దుల్కర్‌ సల్మాన్‌ నటించిన ఈ సినిమా ప్రీరిలీజ్‌ ఈవెంట్‌ ఇటీవల జరిగింది. ఆ కార్యక్రమానికి నాగ్‌ అశ్విన్‌ ముఖ్య అతిథిగా హాజరయ్యారు. ఈ క్రమంలో హీరో దుల్కర్‌ మాట్లాడుతూ ఈ సినిమా గురించి నాగీ ఎంత సాయం చేశారో చెప్పారు.

‘‘నాగ్‌ అశ్విన్‌ ఈ సినిమా చూశారు, ఎడిటింగ్‌లోనూ సాయం చేశారు. నాగీ ఎప్పుడు పిలిచినా తనతో సినిమా చేయడానికి నేను సిద్ధం’’ అని అన్నాడు. అంటే ఈ సినిమాకు ఆయన సాయం ఉందన్నమాట. ఇక చిరంజీవి – మల్లిడి వశిష్ట సినిమా ‘విశ్వంభర’కి కూడా నాగీ హెల్పింగ్‌ హ్యాండిచ్చారని టాక్‌. ఇక ‘సింగ్‌ గీతం’ అయితే అంతా నాగీ చేతుల మీదగానే సాగింది.