గత కొంతలంగా నాగబాబు సినీ, రాజకీయ రంగాలకి చెందిన కొందరు ప్రముఖుల పై సెటైర్లు వేస్తూ వస్తున్నాడు. మొదట్లో బాలయ్య ఎవరో తెలీదు అంటూ మొదలుపెట్టి… అలా ఎందుకు అన్నాడనే దాని పై 6 వీడియోలు రిలీజ్ చేసాడు. పోనీ అక్కడితో అయిపోయిందా అంటే ‘మై ఛానల్ నా ఇష్టం’ అంటూ మళ్ళీ తన యూట్యూబ్ ఛానల్ లో ఓ ప్రోగ్రాం మొదలు పెట్టి మళ్ళీ సెటైర్లు మొదలుపెట్టాడు. ఇదిలా ఉండగా… ఇటీవల ప్రముఖ గాయకుడు ‘ఎస్.పి. బాల సుబ్రహ్మణ్యం’.. ఓ వేడుకలో హీరోయిన్ల డ్రెస్సుల పై చేసిన కామెంట్స్.. కి నాగబాబు తన యూట్యూబ్ ఛానల్ ద్వారా కౌంటర్ ఇచ్చాడు.
ఈ విషయం పై నాగబాబు.. ఎస్పీ బాలసుబ్రమణ్యం పై ఫైర్ అయ్యాడు. నాగబాబు.. ఎస్పీ బాలసుబ్రమణ్యం పేరు ప్రస్తావించకుండా పరోక్షంగా అతడి పై విమర్శలు గుప్పించాడు. అమ్మాయిలను చూసే తీరు మారాలని … ఆడవాళ్లు ఎలాంటి బట్టలు వేసుకోవాలో.. చెప్పే అధికారం మీకు లేదని నాగబాబు అన్నాడు. అయితే ఎస్పీబి కామెంట్స్ ఖండించేవే కావచ్చు కానీ, మీరు స్పందించిన తీరు బాగోలేదంటూ సోషల్ మీడియా జనం నాగబాబు పై విరుచుకుపడుతున్నారు. వరుస ట్రోల్స్ తో నాగబాబుని ఉక్కిరిబిక్కిరి చేస్తున్నారు నెటిజెన్లు. ఈ విషయంలో నాగబాబు ఫ్యామిలీ మాటర్స్ ని కూడా తీసుకుని వస్తున్నారు. ముఖ్యంగా నాగబాబు కూతురు నీహారికను ఈ వివాదంలోకి లాగుతూ ఆమె పై అసభ్యకరమైన కామెంట్స్ చేస్తుండడం గమనార్హం.
అంతటితో ఆగకుండా మెగాస్టార్ చిరంజీవి కూతుర్లను కూడా ఈ వివాదంలోకి లాగుతుండడం చర్చనీయాంశం అవుతుంది. ఈ వివాదంలో బాలసుబ్రహ్మణ్యంని కొందరు సమర్దిస్తుండగా… నాగబాబును కూడా కొందరు సపోర్ట్ చేస్తున్నారు. అయితే ఇలాంటి విషయాల్లో ఇంటి ఆడపిల్లలను లాగడం ఊహించని పరిణామం అని చెప్పొచ్చు. మరి ఈ విషయం పై కూడా నాగబాబు ఓ వీడియో వదులుతాడేమో..! ఇలా వీడియోలు చేయడం వలన నాగబాబు కి… ఏ ఉపయోగం ఉందనేది అర్థంకాని ప్రశ్న..! తన తమ్ముడు ‘జనసేన’ పార్టీకి మద్దతు పలకడానికి ఇలా చేస్తున్నాడా..? అనుకుంటే ఈ వీడియోల వలన పవన్ కి నష్టం వాటిల్లే అవకాశమే ఎక్కువ కనిపిస్తుంది…! అయితే ‘ఆడపిల్ల డ్రెస్సులు’ పై స్పందించిన తీరు చూస్తుంటే నాగబాబు.. బాలయ్యని ఫాలో అయ్యినట్టు తెలుస్తుంది..! ఎందుకంటారా..? బాలకృష్ణ సూపర్ హిట్ చిత్రం ‘సింహా’ లో కూడా ఆడవాళ్ళ డ్రెస్సులు పై బాలయ్య స్పందిస్తూ.. ‘మైండ్ సెట్ మారాలి’ అంటూ పంచ్ డైలాగ్ విసురుతాడు. ఇక్కడ రియల్ లైఫ్ లో నాగబాబు సేమ్ డైలాగ్ చెప్పాడు. బహుశా.. ఇది నాగబాబు కూడా గ్రహించి ఉండడు.
Home