Naga Babu: దేశం క్లిష్ట పరిస్థితుల్లో ఉందన్న నాగబాబు!

కొన్ని నెలల క్రితం వరకు బుల్లితెర షోలతో బిజీగా ఉన్న నాగబాబు ప్రస్తుతం సోషల్ మీడియాలో యాక్టివ్ గా ఉండటంతో పాటు వేర్వేరు అంశాల గురించి స్పందిస్తూ వార్తల్లో నిలుస్తున్న సంగతి తెలిసిందే. తాజాగా భారత రాష్ట్రపతి అంశం గురించి ట్వీట్ చేసిన నాగబాబు ఆ ట్వీట్ లో ఆసక్తికర కామెంట్లు చేశారు. ప్రస్తుతం దేశం క్లిష్ట పరిస్థితుల్లో ఉందని నాగబాబు అన్నారు. ఇలాంటి సమయంలో దేశాన్ని ప్రేమించే వ్యక్తి రాష్ట్రపతి అయితే బాగుంటుందని నాగబాబు వెల్లడించారు.

దేశంలో పరిస్థితులు రోజురోజుకు దిగజారుతున్నాయని తదుపరి రాష్ట్రపతిగా దేశాన్ని కుటుంబంలా ప్రేమించే వ్యక్తి అయితే బాగుంటుందని నాగబాబు అన్నారు. రాజకీయ ఎత్తుగడలను, వ్యూహాలను రచించే వ్యక్తి రాష్ట్రపతిగా అవసరం లేదని నాగబాబు చెప్పుకొచ్చారు. తదుపరి రాష్ట్రపతిగా రతన్ టాటాను తాను ప్రపోజ్ చేస్తున్నానని నాగబాబు పేర్కొన్నారు. RatanTataforPresident అనే హ్యాష్ ట్యాగ్ ను కూడా నాగబాబు జత చేశారు. రతన్ టాటా గురించి నాగబాబు గొప్పగా చెప్పడం ఇదే తొలిసారి కాదు.

నాగబాబు ఈ ట్వీట్ తో మరో సంచలనానికి తెర తీశారని చెప్పాలి. వచ్చే ఏడాదితో దేశంలో రాష్ట్రపతి పదవీకాలం ముగియనుంది. గత కొన్ని రోజులుగా తదుపరి రాష్ట్రపతి ఎవరనే చర్చ ప్రజల మధ్య జరుగుతోంది. నాగబాబు చేసిన ట్వీట్ కు పలువురు నెటిజన్లు మద్దతు తెలుపుతున్నారు. పారిశ్రామికవేత్తగా రతన్ టాటా దేశ ప్రజలకు సుపరిచితమైన వ్యక్తి. మరి రతన్ టాటానే తదుపరి రాష్ట్రపతి అవుతారేమో చూడాల్సి ఉంది.

With D Nation facing unprecedented Labyrinth’s day after day
Der is a need 4 “The President” who not only can strategise & implement,
but also has a big heart & see whole nation as one Big Family !
I propose @RNTata2000 ji as the next President of India#RatanTataforPresident pic.twitter.com/rlstJGjyMJ

— Naga Babu Konidela (@NagaBabuOffl) August 9, 2021

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!