‘జబర్దస్త్’ కు నాగబాబు రీ ఎంట్రీ.. మరి వాళ్ళ సంగతేంటి..!

‘జబర్దస్త్’ కామెడీ షోకి నాగబాబు నవ్వే స్పెషల్ అట్రాక్షన్ గా ఉండేది. కానీ కొన్ని కారణాల వల్ల ఆయన ఈ షో నుండీ తప్పుకున్నారు.దాంతో చాలా కాలం నుండీ నాగబాబు నవ్వు ‘జబర్దస్త్’ కు ఓ లోటులా ఉండి పోయింది. జబర్దస్త్ దర్శకత్వ బాధ్యతల్ని తాను మోయలేకే .. ఆ షో నుండీ తప్పుకుంటున్నట్టు నాగబాబు తన యూట్యూబ్ ఛానల్ ద్వారా తెలియజేసారు. ఈ ఒక్క కారణమే కాదు లెండి ఇంకా చాలా కారణాలు చెబుతూ ఆయన వీడియోలను విడుదల చేసాడు. అయితే ఇప్పుడు మళ్ళీ నాగబాబు ‘జబర్దస్త్’ కు జడ్జిగా రాబోతున్నాడని ప్రచారం జరుగుతుంది.

దీనికి ప్రధాన కారణం జబర్దస్త్ స్టార్ కమెడియన్ గెటప్ శ్రీను అనే చెప్పాలి. ‘జబర్దస్త్’ కు దూరమయ్యాక.. నాగబాబు ‘జీ’ తెలుగులో ప్రసారమయ్యే ‘అదిరింది’ షోకి జడ్జిగా వ్యవహరిస్తున్నాడు. ఆయన ఆ షోకి వెళ్లడమే కాకుండా వేణు, ధనరాజ్, చమ్మక్ చంద్ర వంటి వారిని కూడా ఆ షోకి తీసుకెళ్ళాడు. అంత మంది టాప్ కమెడియన్లు ఉన్నప్పటికీ ‘అదిరింది’ షో ఎందుకో సక్సెస్ కాలేదు. కొద్దిరోజులుగా ఈ షో ఆగిపోయిందనే ప్రచారం కూడా జరుగుతుంది. దాంతో నాగబాబు తిరిగి మళ్ళీ ‘జబర్దస్త్’ కు వచ్చేస్తారనే టాక్ ఊపందుకుంది.

ఇటీవల ఓ సందర్భంలో గెటప్ శీను మాట్లాడుతూ.. ” ‘జబర్దస్త్’ నుండీ నాగబాబు వెళ్ళిపోవడం అనేది పూర్తిగా ఆయన పర్సనల్ విషయం..! అయితే ఆయన లేని లోటు మాత్రం కనిపిస్తూనే ఉంది. ఏమో మళ్ళీ ఆయన జబర్దస్త్ కు తిరిగి రావచ్చు. వస్తే బాగుంటుంది. రావాలనే మేమంతా కోరుకుంటున్నాము” అంటూ చెప్పుకొచ్చాడు. ఒకవేళ నాగబాబు నిజంగానే జబర్దస్త్ కు రీ ఎంట్రీ ఇస్తే మరి ఆయన్ని నమ్ముకుని వచ్చిన కమెడియన్ల సంగతి ఏంటి? అనే అనుమానాలు కూడా వ్యక్తమవుతున్నాయి. చూడాలి మరి ఏమవుతుందో..!

Most Recommended Video

2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!