తెలంగాణా ముందస్తు ఎన్నికలకు ముందు తెలంగాణ కాంగ్రెస్ పార్టీలో చేరాడు బండ్లగణేష్. అంతే కాదు తమ పార్టీ అధికారంలోకి వస్తుందని ఎక్కడికక్కడ రచ్చ చేసాడు బండ్ల. అంతటితో సరిపెట్టాడా…? ఎన్నికల్లో తమ పార్టీ గెలవకపోతే… తాను 7 ఓ క్లోక్ బ్లేడ్ తో గొంతుకోసుకుంటానని చేసిన కామెంట్స్ సోషల్ మీడియాలో వైరల్ అయ్యాయి. తెలంగాణ ఫలితాల తరువాత బండ్ల గణేష్ ను కలిసిన మీడియాకు దీని పై వివరణ కూడా ఇచ్చాడు . ‘కాన్ఫిడెన్స్ కాస్త.. ఓవర్ కాన్ఫిడెన్స్ అయ్యిందని’.. ఆ ఒక్క ఆన్సర్ తో అన్ని ట్రోల్స్ కు ఫుల్ స్టాప్ పెట్టె ప్రయత్నం చేసాడు అయినా బండ్ల పై ట్రోల్ల్స్ మాత్రం ఆగలేదు.
తాజాగా మెగా బ్రదర్ నాగబాబు ఈ విషయం పై స్పందించారు. ఇటీవల ఇచ్చిన ఓ ఇంటర్వ్యూలో స్పందిస్తూ.. ”బండ్ల గణేష్ మిగతా విషయాల్లో ఎలా ఉన్నా..అతని ఇంటర్వ్యూలు మాత్రం చాలా ఫన్నీగా ఉంటాయి. మంచి కామెడీగా కూడా చేస్తాడు. గణేష్ ఇంటర్వ్యూలలో చేసే కామెడీ… సినిమాల్లో చేసి ఉంటే గనుక పెద్ద స్టార్ కమెడియన్ అయ్యుండేవాడు. కానీ సినిమాల్లో కాకుండా రియల్ లైఫ్ లో బాగా కామెడీ చేస్తున్నాడు. బండ్ల గణేష్ కి పీక కోసుకునేంత సీన్ లేదని మాకు ముందే తెలుసు.. ‘ఎన్నికల ముందు వంద అంటామండి’ అని అంటాడనే అనుకున్నాం.. చివరికి అదే అన్నాడు. ఎన్నికల టైములో రేవంత్ రెడ్డి ఆవేశపూరిత ప్రసంగాలు, టీఆర్ఎస్ నేతల ప్రసంగాలు టీవీలో చూసి ఆవేశంలో ఉన్న మాకు బండ్ల గణేష్ వీడియోలు మంచి కామెడీని ఇచ్చాయి. ఈ విషయంలో మాత్రం కచ్చితంగా అతనిని మెచ్చుకోవాల్సిందే” అంటూ చెప్పాడు నాగబాబు.
Home