వెంకటేష్, నాగచైతన్య కలసి నటిస్తున్న సినిమా ‘వెంకిమామ’. ఈ చిత్రానికి బాబీ దర్శకత్వం వహిస్తుండగా, సురేష్ బాబు, పీపుల్స్ మీడియా, కోన వెంకట్ కలసి నిర్మిస్తున్నారు. వెంకటేష్, నాగచైతన్య ఇద్దరు కలసి మల్టీస్టార్ సినిమా చేస్తున్నారని తెలిసినప్పటి నుండి ఈ సినిమా పైన అందరిలో ఆసక్తి పెరిగింది. వెంకటేష్, నాగచైతన్య వారి వారి సినిమాల్లో బిజిగా ఉండటం వలన ఈ ప్రాజెక్ట్ కొంచం ఆలస్యం అవుతుందని చెబుతున్నారు. ఇది ఇలా ఉంటె ఈ సినిమా కథ విషయంలో ఒక వార్త బయటకి వచ్చింది.
ఇక విషయంలోకి వెళితే, ఈ సినిమా కథ ఒరిజినల్ కాదు ఒక రీమేక్ అంటూ వార్తలు వినిపిస్తున్నాయి. పంజాబ్ బాక్సాఫీక్ దగ్గర భారీ కలెక్షన్లు రాబట్టిన ఒక సినిమా కథ ని తెలుగు ప్రేక్షకులకి సరిపడేలా కథని సిద్ధం చేస్తున్నారట. అయితే ఈ చిత్ర రచయిత, సహా నిర్మాత కోన వెంకట్ ఒక పంజాబ్ సినిమా బాగా నచ్చడంతో ఆ సినిమా రైట్స్ కొన్నాడట. ఆ సినిమా కథనే ప్రస్తుతం మార్పులు చేర్పులు చేసి తీస్తున్నారని సమాచారం. ఒకవేళ ఇదే నిజమైతే ఏరికోరి పంజాబ్ సినిమాని తీసుకొని మరి చేస్తున్న ‘వెంకిమామ’ సినిమా ప్రేక్షకులకి ఎలాంటి అనుభూతిని ఇస్తుందో చూడాలి.
