శైలజా రెడ్డి అల్లుడు షూటింగ్ లో పాల్గొన్న నాగచైతన్య.!

యువ సామ్రాట్ అక్కినేని నాగచైతన్య, సమంతలు కలిసి రెండువారాల పాటు విదేశాల్లో విహరించారు. పెళ్లి తర్వాత దొరికిన కాస్త గ్యాప్ లో అమెరికాని చుట్టి వచ్చారు. వచ్చి రాగానే చైతూ యాక్షన్ లోకి దిగిపోయారు. రీసెంట్ గా హైదరాబాద్ కి వచ్చిన సమంత.. మహానటి కోసం డబ్బింగ్ కంప్లీట్ చేసింది. నాగచైతన్య మారుతీ దర్శకత్వంలో శైలజ రెడ్డి అల్లుడు మూవీ షూటింగ్ లో పాల్గొన్నారు. చైతూ చేతిలో ప్రస్తుతం రెండు ప్రాజక్ట్స్ ఉన్నాయి. చందు మొండేటి దర్శకత్వంలో చేస్తున్న సవ్యసాచి మూవీ షూటింగ్ ఎప్పుడో పూర్తి అయింది.

పోస్ట్ ప్రొడక్షన్ జరుపుకుంటోంది. అందుకే మారుతి దర్శకత్వంలో సినిమాని లైన్లో పెట్టారు. ఇందులో చైతూ క్యారక్టర్ చాలా కొత్తగా డిజైన్ చేసినట్లు సమాచారం. ఇదివరకు మారుతి సినిమాలో హీరో కంటే ఇందులో హీరో చాలా పవర్ ఫుల్ గా ఉంటారని తెలిసింది. ఈ సినిమాలో కీలకమైన ఓ ఫైట్ సీక్వెన్స్ ని హైదరాబాద్ లో చిత్రీకరిస్తున్నారు. అను ఇమ్యానుయేల్ హీరోయిన్ గా నటిస్తున్న ఈ చిత్రంలో రమ్యకృష్ణ చైతూకి అత్తగా కనిపించనుంది. శైలజ రెడ్డి రోల్ ఆమెకు మంచి పేరు తీసుకుతుందని చిత్ర బృందం తెలిపింది. ఈ సినిమాలో చైతూ లుక్ వచ్చే నెల రిలీజ్ చేసే యోచనలో మారుతి ఉన్నారు.