స్టార్ హీరోలు ఏడాది పాటు కష్టపడి ఒక సినిమాని రిలీజ్ చేస్తుంటే.. నాని మాత్రం ఏడాదిలో మూడు సినిమాలను రిలీజ్ చేస్తూ స్టార్ హీరో స్థాయికి ఎదుగుతున్నారు. కొత్త రచయితలను, దర్శకులను ప్రోత్సహిస్తూ వరుసగా విజయాలు అందుకుంటున్నారు. ముఖ్యంగా తక్కువ బడ్జెట్ తో సినిమాలను కంప్లీట్ చేసి నిర్మాతకు ట్రిపుల్ ప్రాఫిట్ తెచ్చి పెడుతున్నారు. అందుకే నిర్మాతలు అతని డేట్స్ కోసం క్యూ కడుతున్నారు. ప్రస్తుతం నాని యువ దర్శకుడు మేర్లపాక గాంధీ దర్శకత్వంలో “కృష్ణార్జున యుద్ధం” సినిమా చేస్తున్నారు. నాని ద్విపాత్రాభినయం చేస్తున్న ఈ చిత్ర షూటింగ్ పూర్తి చేసుకొని పోస్ట్ ప్రొడక్షన్ వర్క్ జరుపుకుంటోంది.
ఇది రిలీజ్ కాకముందే శ్రీరామ్ ఆదిత్య డైరెక్షన్లో మల్టీ స్టారర్ మూవీని మొదలు పెట్టారు. దీని తర్వాత అవసరాల శ్రీనివాస్ దర్శకత్వంలో సినిమా చేయనున్నారు. నాని విజయ రహస్యాన్ని నాగచైతన్య పెట్టేసారు. లో బడ్జెట్.. హై కలక్షన్స్ రీతిలో ఆలోచిస్తున్నారు. తన సినిమాకి ఎక్కువగా ఖర్చు పెట్టనివ్వడం లేదని తెలిసింది. అలాగే ఏడాదిలో మూడు సినిమాలు రిలీజ్ అయ్యేలా ప్లాన్ చేస్తున్నారు. ప్రస్తుతం చందు మొండేటి దర్శకత్వంలో సవ్యసాచి సినిమా చేస్తున్నారు. అలాగే మారుతీ దర్శకత్వంలో శైలజ రెడ్డి అల్లుడు మూవీ చేస్తున్నారు. మరో ప్రాజక్ట్ కి కూడా గ్రీన్ సిగ్నల్ ఇచ్చారు. అంతే కాకుండా యువ రచయితలకు, దర్శకులకు ఛాన్స్ ఇవ్వాలని నాగచైతన్య నిర్ణయించుకున్నట్టు తెలిసింది. సో వరుసగా విజయాలు, చేతినిండా అవకాశాలతో యువసామ్రాట్ దూసుకెళ్లడం ఖాయం.
