Naga Chaitanya: బాలీవుడ్ పై నాగచైతన్య ఫోకస్..?

టాలీవుడ్ హీరో నాగచైతన్య ‘లాల్ సింగ్ చద్దా’ సినిమాతో బాలీవుడ్ లో ఎంట్రీ ఇవ్వబోతున్నారు. ఈ సినిమాలో బాలీవుడ్ స్టార్ హీరో ఆమిర్ ఖాన్ ప్రధాన పాత్ర పోషించగా.. చైతు కీలకపాత్రలో కనిపించనున్నారు. బాలరాజు అనే మిలిటరీ ఆఫీసర్ పాత్ర పోషించారు చైతు. ఆగస్టు 11న బాలీవుడ్ తో పాటు తెలుగులో కూడా ఈ సినిమా విడుదల కానుంది. దానికి తగ్గట్లుగా సినిమా ప్రమోషన్స్ చేస్తున్నారు. తెలుగులో ఈ సినిమాను చిరంజీవి సమర్పించడం విశేషం.

మెగాస్టార్ కూడా ఈ సినిమా కోసం కొన్ని ఇంటర్వ్యూలలో పాల్గొన్నారు. చైతు నటించడంతో టాలీవుడ్ లో కూడా ఈ సినిమాపై కాస్త బజ్ ఏర్పడింది. ఇదిలా ఉండగా.. ఇప్పుడు చైతుకి సంబంధించిన ఓ న్యూస్ బయటకొచ్చింది. అదేంటంటే.. ‘లాల్ సింగ్ చద్దా’ సినిమాను ప్రమోట్ చేస్తూనే మరోపక్క బాలీవుడ్ మార్కెట్ పై దృష్టి పెట్టారు చైతు. దీనికోసం ప్రముఖ దర్శకుడు సంజయ్ లీలా భన్సాలీ, నిర్మాత కరణ్ జోహార్ ని అతడు కలిసినట్లు తెలుస్తోంది.

బుధవారం నాడు ముంబైలో సంజయ్ లీలా భన్సాలీ ఆఫీస్ కి వెళ్లారు చైతు. కరణ్ జోహార్ కూడా ఈ మీటింగ్ లో పాల్గొన్నారు. దీంతో వీరి కాంబినేషన్ లో సినిమా వస్తుందనే వార్తలు గుప్పుమన్నాయి. చైతు.. భన్సాలీని కలవడం టాలీవుడ్ లో హాట్ టాపిక్ గా మారింది. అక్కినేని ఫ్యాన్స్ అయితే చైతుతో ‘దేవదాసు’ సినిమా చేయండి అంటూ భన్సాలీని రిక్వెస్ట్ చేస్తున్నారు. అయితే చైతు, సంజయ్ లీలా భన్సాలీని కలవడం వెనుక అసలు కారణం ఏంటనేది తెలియాల్సి ఉంది.

ఇదివరకు కూడా భన్సాలీ టాలీవుడ్ కి చెందిన కొందరు హీరోలను కలిశారు. ‘పుష్ప’ సినిమా రిలీజైన తరువాత అల్లు అర్జున్ కూడా భన్సాలీ ఆఫీస్ కి వెళ్లి ఆయన్ను కలిశారు. చూస్తుంటే త్వరలోనే భన్సాలీ టాలీవుడ్ హీరోలతో సినిమాలు చేసేలా ఉన్నారు.

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?