మన్మథుడు సినిమా పేరు చెప్పగానే.. పెదాలపైన చిన్న చిరునవ్వు తెలియకుండానే విరబూస్తుంది. విజయ్ భాస్కర్ దర్శకత్వం ప్రతిభకన్నా త్రివిక్రమ్ శ్రీనివాస్ మాటలు అందరితో అభినందలు అందుకున్నాయి. నాగార్జున, బ్రహ్మానందం ఎపిసోడ్ అయితే నాన్ స్టాప్ గా నవ్వులు పంచుతుంది. అలాగే ఓ క్యూట్ లవ్ స్టోరీ సినిమాని విజయవంతం చేసింది. ఈ సినిమాకి సీక్వెల్ అనగానే తప్పనిసరిగా అందులో నాగార్జునే హీరోగా చేస్తారు.. అనే సమాధానం వస్తుంది. మన్మథుడు-2 అనే టైటిల్ ని కూడా నాగార్జున రిజిస్టర్ చేయించారంట. అప్పటి నుంచే సినీవర్గాల్లో చర్చ మొదలయింది. ప్రస్తుతం నాగ్ ‘దేవదాస్’ సినిమా చేస్తున్నారు.
హిందీ చిత్రం ‘బ్రహ్మాస్త్ర’ లో కీలక పాత్ర పోషిస్తున్నారు. “సోగ్గాడే చిన్ని నాయనా” ప్రీక్వెల్ “బంగార్రాజు” వర్క్ జరుగుతోంది. అందుకే “మన్మథుడు -2 “గా చైతూ గానీ, అఖిల్ గానీ నటించే అవకాశాలున్నాయని ఫిల్మ్‌నగర్ వాసులు చెప్పుకుంటున్నారు. ఇప్పుడు యువహీరోలు సంచలన విజయాలను అందుకుంటున్నారు. నేటి యువతని ఆకర్షించాలంటే అఖిల్ మన్మథుడుగా కనిపించాలని సినీ విశ్లేషకులు భావిస్తున్నారు. మరి నాగార్జున మనసులో ఎవరి పేరు ఉందో తెలియాలంటే కొన్ని రోజులు ఆగాల్సిందే.
Home