టాలీవుడ్ హీరోయిన్ రాశీ ఖన్నా.. హీరో అక్కినేని నాగ చైతన్య ని హత్తుకుని ఉన్న ఓ ఫోటో ఇప్పుడు తెగ హల్ చల్ చేస్తుంది. ఓ పార్క్ లో రాశీ అలా హత్తుకుని ఉంటే.. నాగ చైతన్య కాస్త ఆశ్చర్యంగా మరోపక్క ఆనందంగా చూస్తున్నాడు. సోషల్ మీడియాలో ఈ ఫోటో పై రక రకాల కామెంట్లు పెడుతున్నారు నెటిజన్లు.చైతన్య అభిమానులను అయితే ఈ ఫోటో అమితంగా ఆకట్టుకుంటుంది. విక్రమ్ కుమార్ డైరెక్షన్లో తెరకెక్కుతున్న ‘థాంక్యూ’ మూవీ ఆన్ లొకేషన్ పిక్ ఇది అని స్పష్టమవుతుంది.
‘శ్రీ వెంకటేశ్వర క్రియేషన్స్’ బ్యానర్ పై దిల్ రాజు ఈ చిత్రాన్ని నిర్మిస్తున్నారు. ఈ మధ్యనే ‘థాంక్యూ’ మూవీకి సంబంధించి ఇటలీలో ఓ షెడ్యూల్ ను కూడా పూర్తి చేసుకుని వచ్చారు చిత్ర యూనిట్ సభ్యులు.కరోనా సెకండ్ వేవ్ విజృంభిస్తున్నప్పటికీ తగిన జాగ్రత్తలు తీసుకునే ఈ షెడ్యూల్ ను కంప్లీట్ చేశారు. వైవిధ్యమైన కథాంశంతో రూపొందుతున్న ఈ చిత్రంలో…హీరో నాగ చైతన్య హాకీ ప్లేయర్ గా కనిపించబోతున్నాడు.
అంతేకాదు మహేష్ బాబు వీరాభిమానిగా కూడా అతను కనిపించబోతున్నాడు.ఇక హీరోయిన్ రాశీ ఖన్నాతో పాటు ‘ఉయ్యాలా జంపాలా’ ఫేమ్ అవికా గోర్ అలాగే ‘ఎవడే సుబ్రహ్మణ్యం’ ఫేమ్ మాళవికా నాయర్ వంటి వారు కూడా కీలక పాత్రలు పోషిస్తున్నారు. తమన్ సంగీతం అందిస్తుండగా.. పి.సి.శ్రీరామ్ సినిమాటోగ్రఫీ అందిస్తుండటం విశేషం. బి.వి.ఎస్.రవి ఈ చిత్రానికి కథ అందిస్తుండటం మరో విశేషంగా చెప్పుకోవాలి.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
