Naga Chaitanya, Sukumar: సుకుమార్ సీక్రెట్ చెప్పేసిన నాగచైతన్య!

September 24, 2021 / 08:19 PM ISTByFilmy Focus

Join Us

Naga Chaitanya, Sukumar: సుకుమార్ సీక్రెట్ చెప్పేసిన నాగచైతన్య!

నాగచైతన్య, సాయిపల్లవి జంటగా నటించిన లవ్ స్టోరీ సినిమా థియేటర్లలో విడుదలై ప్రేక్షకులను ఆకట్టుకుంది. ఈ సినిమా ప్రమోషన్లలో భాగంగా మీడియాతో ముచ్చటించిన చైతన్య చాలా కాలంగా శేఖర్ కమ్ముల సినిమాల్లో నటించాలని అనుకుంటున్నానని ఇప్పటికి అవకాశం వచ్చిందని తెలిపారు. శేఖర్ కమ్ముల కథలలో రియలిస్టిక్ అప్రోచ్ ఉంటుందని లవ్ స్టోరీ నా నెక్స్ట్ లెవెల్ సినిమా అని నాగచైతన్య చెప్పుకొచ్చారు. శేఖర్ కమ్ముల మహిళలకు సంబంధించిన సున్నితమైన అంశాన్ని ఈ సినిమాలో చర్చించాడని లాక్ డౌన్ వల్ల తెలంగాణ యాసను మరింత బాగా నేర్చుకోగలిగానని నాగచైతన్య వెల్లడించారు.

శేఖర్ కమ్ముల సినిమాలలో హీరోయిన్ కు మంచి పేరు వస్తుందని అయితే లవ్ స్టోరీ సినిమాతో సాయిపల్లవితో పాటు తనకు కూడా మంచి గుర్తింపు వస్తుందని భావిస్తున్నానని చైతన్య పేర్కొన్నారు. ఈ మధ్య కాలంలో దర్శకుడు సుకుమార్ ను కలిసి నేచురల్ అప్రోచ్ ఉన్న సినిమాలను ప్రేక్షకులు ఎక్కువగా ఆదరిస్తున్నారనే విషయం గురించి చర్చించానని చైతన్య అన్నారు. రంగస్థలం సినిమా నుంచి తాను కూడా నేచురల్ అప్రోచ్ ఉన్న సినిమాలనే ఎంచుకుంటున్నానని సుకుమార్ చెప్పారని చైతన్య వెల్లడించారు.

తనకు కూడా అలాంటి సినిమాలే ఎంచుకోవాలని సుకుమార్ సూచనలు చేశారని చైతన్య చెప్పుకొచ్చారు. సుకుమార్ ఇకపై నేచురల్ అప్రోచ్ ఉన్న సినిమాలనే తెరకెక్కిస్తారనే సీక్రెట్ చైతన్య ద్వారా ప్రేక్షకులకు తెలిసింది. మంచి కథ కుదిరితే ఇతర భాషల్లో నటిస్తానని అమీర్ ఖాన్ అపాయింట్‌మెంట్‌ దొరికితే లవ్ స్టోరీ సినిమా చూపిస్తామని చైతన్య పేర్కొన్నారు.