Naga Chaitanya: చైతు సినిమా కూడా ఆగిపోయింది!

కరోనా సెకండ్ వేవ్ కారణంగా రోజురోజుకి కేసులు పెరిగిపోతున్నాయి. ఇండస్ట్రీపై కూడా కరోనా తీవ్ర ప్రభావం చూపిస్తోంది. కేసులు ఎక్కువవుతుండడంతో దాదాపు సినిమా షూటింగులన్నీ కూడా నిలిపోయాయి. పెద్ద పెద్ద సినిమాల షూటింగ్ కూడా ఆపేశారు. కేవలం రెండు, మూడు సినిమాల షూటింగ్ లు మాత్రం జరుగుతున్నాయి. దిల్ రాజు నిర్మిస్తోన్న ‘థాంక్యూ’ సినిమా అందులో ఒకటి. నాగచైతన్య, విక్రమ్ కుమార్ కాంబినేషన్ లో తెరకెక్కుతోన్న ఈ సినిమా మొదలై చాలా రోజులవుతోంది.

ప్రస్తుతం ఈ సినిమా షూటింగ్ ఇటలీలో జరుగుతోంది. అయితే ఇప్పుడు ఈ సినిమా షూటింగ్ కూడా ఆగిపోయిందని తెలుస్తోంది. ఇటలీ షెడ్యూల్ కు ప్రముఖ నటుడు ప్రకాష్ రాజ్ హాజరు కావాల్సివుంది. కానీ ఆయన బయలుదేరడం ఒక రోజు ఆలస్యమైంది. ఈలోగా ఇటలీకి భారతీయుల ప్రయాణాలపై అక్కడి ప్రభుత్వం ఆంక్షలు విధించింది. దీంతో షూటింగ్ నిలిచిపోయినట్లు తెలుస్తోంది. పరిస్థితులు చక్కబడిన తరువాత తిరిగి షూటింగ్ మొదలుపెడతారు. రీసెంట్ గా ‘పుష్ప’ సినిమా షూటింగ్ కూడా ఆపేశారు.

కొన్నిరోజుల పాటు నటుడు సునీల్ పై సన్నివేశాలను చిత్రీకరించారు. అయితే సినిమాలో విలన్ పాత్రలో నటిస్తోన్న ఫహద్ ఫాజిల్ తిరిగి కేరళ వెళ్లిపోవడంతో దర్శకనిర్మాతలు తప్పని పరిస్థితుల్లో షూటింగ్ కి బ్రేక్ ఇచ్చేశారు. దీంతో పాటు గీతా సంస్థలో తెరకెక్కుతోన్న సినిమాల షూటింగ్ లను కూడా ఆపేశారు. ఈ సంస్థకు చెందిన బన్నీవాసుతో పాటు చాలా మందికి కరోనా రావడం, తగ్గడం జరుగుతోంది. దీంతో కొంతకాలం షూటింగ్ లకు బ్రేక్ ఇచ్చినట్లు తెలుస్తోంది.

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!