Thank You Teaser: నాగ చైతన్యకి మరో హిట్టు పడేలా ఉందే..!

వరుస విజయాలతో జోరు మీదున్న నాగ చైతన్య.. త్వరలో ‘థాంక్యూ’ మూవీతో ప్రేక్షకుల ముందుకు రానున్నాడు. విక్రమ్ కుమార్ దర్శకత్వంలో తెరకెక్కుతున్న ఈ చిత్రాన్ని ‘శ్రీ వెంకటేశ్వర క్రియేషన్స్’ బ్యానర్ పై దిల్ రాజు, శిరీష్ లు నిర్మిస్తున్నారు. హర్షిత్ రెడ్డి కో ప్రొడ్యూసర్ గా వ్యవహరిస్తున్నారు.బి.వి.ఎస్ రవి ఈ చిత్రానికి కథ అందించారు. తమన్ ఈ చిత్రానికి సంగీత దర్శకుడు. అవికా గోర్, రాశీ కన్నా, మాళవికా నాయర్ వంటి భామలు హీరోయిన్లుగా నటిస్తున్నారు.

జూలై 8న ఈ చిత్రం విడుదల కానుంది. ఇదిలా ఉండగా.. తాజాగా ఈ చిత్రం నుండీ టీజర్ ను విడుదల చేశారు. టీజర్ విషయానికి వస్తే.. ఈ చిత్రంలో హీరో నాగ చైతన్య సెల్ఫిష్ పాత్రలో కనిపించబోతున్నాడు. అతని జీవితంలో జరిగిన కొన్ని అనుకోని సంఘటనల కారణంగా చైతన్య పాత్ర అలా సెల్ఫిష్ గా మారిపోతుంది. అది ఎందుకు అనే దానిపై సస్పెన్స్ మెయింటైన్ చేస్తూ టీజర్ ను కట్ చేశారు.

ఈ టీజర్లో నాగ చైతన్య 3 డిఫరెంట్ లుక్స్ లో కనిపిస్తున్నాడు. అలాగే హాకీ ప్లేయర్ గా కనిపించబోతున్నాడు అని ఈ ప్రాజెక్టు మొదలైనప్పుడే రివీల్ చేశారు.అలాగే మహేష్ బాబుకి వీరాభిమానిగా అతను కనిపించబోతున్నట్టు కూడా హింట్ ఇచ్చారు. ఇక నాగ చైతన్య- రాశీ ఖన్నా ల మధ్య వచ్చే రొమాంటిక్ ట్రాక్ కూడా ఆకట్టుకునే విధంగా కనిపిస్తుంది. విక్రమ్ కుమార్ సినిమాలో విజువల్స్ ఎలా ఉంటాయో అందరికీ తెలుసు.

అలాంటి దర్శకుడికి పి.సి.శ్రీరామ్ వంటి సినిమాటోగ్రాఫర్ దొరికితే ఎలా ఉంటుందో మనం ‘ఇష్క్’ సినిమాతో చూశాం. ఈ ‘థాంక్యూ’ తో కొంత గ్యాప్ తర్వాత వాళ్ళ కాంబో రిపీట్ అవుతుంది. ఇందులో కూడా విజువల్స్ అన్నీ చాలా గ్రాండ్ గా ఉండేలా అనిపిస్తున్నాయి. తమన్ బ్యాక్ గ్రౌండ్ స్కోర్ కూడా అదిరిపోయింది. డెబ్యూ మూవీతో దిల్ రాజు చైతన్యకి హిట్ ఇవ్వలేకపోయాడు. అయితే ఈ ‘థాంక్యూ’ తో మాత్రం హిట్ ఇవ్వడం గ్యారెంటీ అనిపిస్తుంది.

సర్కారు వారి పాట సినిమా రివ్యూ & రేటింగ్!

‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!