విక్రమ్ కె కుమార్ దర్శకత్వం వహించిన సినిమాల్లో మనం సినిమా బిగ్గెస్ట్ బ్లాక్ బస్టర్ హిట్ అనే సంగతి తెలిసిందే. కథనంలో ఆసక్తికర మలుపులతో విక్రమ్ కె కుమార్ ఆ సినిమాను అద్భుతంగా తెరకెక్కించారు. ప్రస్తుతం విక్రమ్ కె కుమార్ నాగచైతన్యతో థ్యాంక్యూ సినిమాను తెరకెక్కిస్తున్నారు. స్టార్ ప్రొడ్యూసర్ దిల్ రాజు నిర్మాతగా ఈ సినిమా తెరకెక్కుతుండగా ఈ సినిమాపై భారీగా అంచనాలు నెలకొన్నాయి. అయితే ఈ సినిమా కథకు సంబంధించి ఒక వార్త సోషల్ మీడియాలో తెగ వైరల్ అవుతోంది.
మనం సినిమాలా ఈ సినిమాలో కూడా కథనం విభిన్నంగా సాగుతుందని ఫ్యామిలీ సబ్జెక్ట్ తో ఈ సినిమా తెరకెక్కనుందని సమాచారం. ఈ సినిమాలో చైతన్య ఎన్నారై బిజినెస్ మేన్ గా కనిపిస్తారని తెలుస్తోంది. హీరో తన పుట్టుక మూలాలు ఇండియాలో ఉన్నాయని తెలుసుకుని తన తల్లిదండ్రులను వెతికే ప్రయత్నం చేస్తారని సమాచారం. చైతన్య రెండు షేడ్స్ ఉన్న పాత్రల్లో కనిపిస్తాడని తెలుస్తోంది. ముగ్గురు హీరోయిన్లు ఈ సినిమాలో నటిస్తుండగా ఈ ఏడాది డిసెంబర్ లో సినిమా రిలీజయ్యే అవకాశాలు ఉన్నాయని వార్తలు వస్తున్నాయి.
కొన్నిరోజుల క్రితం వరకు ఇటలీలో ఈ సినిమా షూటింగ్ జరగగా కరోనా ఆంక్షల వల్ల ఈ సినిమా షూటింగ్ వాయిదా పడినట్టు సమాచారం. మరోవైపు నాగచైతన్య నటించిన లవ్ స్టోరీ సినిమా షూటింగ్ పూర్తి చేసుకున్నా కరోనా సెకండ్ వేవ్ వల్ల వాయిదా పడిన సంగతి తెలిసిందే. కరోనా కేసులు తగ్గిన తరువాత ఈ సినిమా రిలీజయ్యే అవకాశం ఉందని వార్తలు వస్తున్నాయి. ఈ సినిమా ఎప్పుడు రిలీజవుతుందో చూడాల్సి ఉంది.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
