అక్కినేని నాగార్జున ద్విపాత్రాభినయంలో నటించిన సోగ్గాడే చిన్ని నాయన నేటి తో 100 రోజులు పూర్తి చేసుకుంది. నాగార్జునకు ఇంతటి ఘనవిజయాన్ని అందించిన దర్శకుడు కళ్యాణ్ కృష్ణతో.. నాగచైతన్య తదుపరి చిత్రం ప్రారంభం అయ్యింది.
అన్నపూర్ణ స్టూడియోస్ లో ఈ చిత్రానికి సంబంధించిన పూజా కార్యక్రమాలు శుక్రవారం నిర్వహించారు. నాగచైతన్య ప్రస్తుతం షూటింగ్ లో బిజీగా ఉండటం వలన చిత్ర ప్రారంభోత్సవానికి రాలేకపోయాడు. నాగార్జున ఈ కార్యక్రమానికి హాజరయ్యారు. రొమాంటిక్ ఫ్యామిలీ ఎంటర్ టైనర్ గా తెరకెక్కుతున్న ఈ చిత్రాన్ని నాగార్జునే నిర్మిస్తున్నాడు. ప్రస్తుతం నాగచైతన్య నటిస్తున్న చిత్రాల్లో.. “సాహసం శ్వాసగా సాగిపో” మే 27న విడుదల కానుండగా.. “ప్రేమమ్” జూన్ లో ప్రేక్షకుల ముందుకు రానుంది!
