అక్కినేని యువ సామ్రాట్ నాగచైతన్య నటిస్తున్న తాజా చిత్రం “శైలజారెడ్డి అల్లుడు”. మారుతి దర్శకత్వంలో తెరకెక్కుతున్న ఈ చిత్రాన్ని సితార ఎంటర్ టైన్మెంట్స్ పతాకంపై నాగవంశీ నిర్మిస్తున్నారు. నాగచైతన్య సరసన అను ఇమ్మాన్యుల్ కథానాయికగా నటిస్తున్న ఈ చిత్రంలో అత్తమ్మగా రమ్యకృష్ణ కీలకపాత్ర పోషిస్తోంది. రెగ్యులర్ షూటింగ్ మొదలైనప్పట్నుంచి మంచి బజ్ క్రియేట్ చేసిన ఈ చిత్రం ఫస్ట్ లుక్ పోస్టర్స్ ఇవ్వాళ విడుదలయ్యాయి. సరికొత్త హెయిర్ స్టైల్ & బియర్డ్ లుక్ తో ట్రెండీగా కనిపిస్తున్న నాగచైతన్య ఆల్రెడీ అందరికీ తెగ నచ్చేస్తున్నాడు.
సమంతతో వివాహం అనంతరం చైతూ నటించిన సినిమా ఇదే కావడంతో “శైలజారెడ్డి అల్లుడు”పై మంచి అంచనాలు ఉన్నాయి. ఇవాళ విడుదల చేసిన పోస్టర్స్ ఆ అంచనాలను ఇంకాస్త పెంచాయి. ఆగస్ట్ లో విడుదలవుతున్న ఈ చిత్రం ఫుల్ లెంగ్త్ కామెడీ ఎంటర్ టైనర్ గా తెరకెక్కడం విశేషం. త్వరలోనే టీజర్, ట్రైలర్ మరియు ఆడియో విడుదలకు సిద్ధమవుతున్న ఈ చిత్రానికి గోపీ సుందర్ సంగీతం అందిస్తున్నాడు. ఈ సినిమాతోపాటు నాగచైతన్య “సవ్యసాచి” సినిమా కూడా సైమల్టేనియస్ గా షూట్ చేస్తున్నాడు. ఈ సినిమా కూడా ఆగస్ట్ లోనే విడుదల కానుంది. చూస్తుంటే.. చైతూ ఈ ఇయర్ లో బ్యాక్ టు బ్యాక్ హిట్స్ కొట్టేలా ఉన్నాడు.
Here is another Chakkas Poster from #SailajaReddyAlludu
WoW #RamyaKrishna 👌👌 pic.twitter.com/6Z35jQX9WJ— Filmy Focus (@FilmyFocus) July 9, 2018
